Tit 3:3 - Sơ̆p Hlabơar Nơ̆r 'Bok Kei-Dei

³ Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Tit 3:3 Iomraidhean Croise

Bl 38:9

Mă-lei Ônan băt tơdah đei kon kư̆m ưh kơ jô̆ kon sư na sư lê̆ đak lĕch tơ 'nguaih wă kơ Tamar ưh kơ đei kon hăm sư.

Bl 39:16

Na yă ei lê̆ hloi ao Jôsep 'bơ̆t cheng sư dĭng 'bôh yŏng tơ'ngla Jôsep brŏk.

Horiso 36:2

'Bơ̆t anăp măt sư pơang kơdih khan: Tơdrong yoch kơnê̆ ưh kơ đei layơ đe băt păng ưh kơ đei bu areh.

Tơdrông Pơđơk 8:5

Ơ lu bơngai kơ hlôh, hŏk pơhrăm bĕ tơdrong hlôh wao, Ơ lu bơngai kơtul, iŏk bĕ tơdrong hlôh wao.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.

Mathiơ 21:29

Kon sư khan: ‘Hăt lah, inh ưh kơ wăn.’ Mă-lei pă 'biơ̆ kơ noh kon sư tơchĕng mơnat kơ 'bă sư, na sư năm jang hloi.

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.

Yo 8:34

Yêsu khan kơ lu sư: “Inh khan kơ iĕm tơpăt, iĕm ưh kơ rơngei ôh, yua bơngai bu pơm yoch ling-lang, bơngai 'noh sư dang đĭch mơ̆n yua kơ tơdrong yoch sư.

Rom 11:30

Lu iĕm bơngai khŭl nai, sơ̆ iĕm ưh kơ băt kơ lui kơ 'Bok Kei-Dei thoi lu bơngai noh ôh. Lu bơngai noh lu sư băt kơ 'Bok Kei-Dei mă lu sư kuă kơ lui. 'Noh na 'Bok Kei-Dei mơnat kơ iĕm krao iĕm lui kơ Sư.

Rom 6:12

Akâu bơ̆n juăt kơ pơm yoch, bơ̆n athei gơ̆t 'nĕ pă ăn pơm yoch dơ̆ng. Ning-mônh akâu kon bơngai bơ̆n gô tơ'bơ̆p tơdrong lôch.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 6:6

Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Galati 6:3

Mă-lei dah bơngai bu lui ưh kơjăp na sư roi kơ đe khan sư lui kơjăp, bơngai 'noh bơngai hơlĕnh.

Kôlôsê 1:21

Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Kôlôsê 3:7

Sơ̆ iĕm kư̆m pơm mơ̆n dôm tơdrong thoi lu sư noh.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

II Tim 3:6

Lu bơngai ei lu mơ'nah mơ̆t tơ hnam bơngai drŏ-kăn mă ưh kơ hlôh. Lu sư pơtuah bơngai drŏ-kăn ei lui kơ 'Bok Kei-Dei. Lu bơngai drŏ-kăn ei lu sư băt kơdih đei lơ tơdrong yoch ră mơ̆n, mă-lei lu sư oei hưch tơdrong âu tơdrong to.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Tit 2:12

Thoi noh na 'Bok Kei-Dei athei bơ̆n hŭt đĭ dôm tơdrong kơnê̆, 'nĕ pă kiơ̆ đon lu bơngai ưh kơ lui. Đon lu bơngai ưh kơ lui sư 'maih pơm lơ tơdrong kư̆ kă đĕch. 'Bok Kei-Dei athei bơ̆n pơm jơhngơ̆m đon dim 'lơ̆ng tơpăt kơ Sư hăm bôl buăl ala teh âu mơ̆n,

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

I Pet 1:14

Sơ̆ iĕm ưh kơ hlôh tơdrong 'Bok Kei-Dei na iĕm hưch hanh lơ tơdrong kơnê̆. Dang ei iĕm jing kon 'Bok Kei-Dei boih, iĕm athei chu kơ 'Bok Kei-Dei, 'nĕ pă pơm tơdrong kơnê̆ dơ̆ng.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.