Tit 3:14 - Sơ̆p Hlabơar Nơ̆r 'Bok Kei-Dei

¹⁴ Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

Tit 3:14 Iomraidhean Croise

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Mathiơ 7:19

'Long ayơ mă ưh kơ pơjing plei 'lơ̆ng, 'long 'noh đe kăl 'buh tŭk lăm ŭnh.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 15:8

Dah iĕm đei plei trem iĕm bơngai kiơ̆ Inh tơpă păng đe gô 'bôh iĕm pơm thoi noh na đe ư-ang kơ 'Bă Inh tơpă.

Jang 18:3

Bre sư bơ̆jang tơdrong pơm hnam tua-la-tăng na Pôl năm oei hloi tơ hnam bre sư, jang hơdai păng sư yua kơ Pôl juăt kơ jang tơdrong noh mơ̆n. Pôl kư̆m bơtho rah tơdrong 'Bok Kei-Dei.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

Rom 15:28

Đang inh pơjao kơ lu bơngai noh jên boih, na inh năm tơ iĕm, đơ̆ng noh na inh năm hloi tơ dêh Aspanhol.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 4:16

Mă inh oei tơ Pơlei Têsalônik iĕm kư̆m oei tơgŭm inh 'bar pêng 'măng.

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

II Tes 3:8

Hơtai ki nhôn ưh kơ wă đe 'me sa nhôn ôh. Nhôn kơmăng kơ'năr jang sa kơdih wă kơ iĕm huay kơ 'me nhôn.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

II Pet 1:8

Dah iĕm adrin pơm kiơ̆ dôm tơdrong noh tơpă, iĕm gô hlôh tơpă dôm tơdrong Kră Yang bơ̆n Yêsu Krist. 'Noh iĕm jing bơngai yua kơ tơdrong jang Sư boih.