Tit 3:12 - Sơ̆p Hlabơar Nơ̆r 'Bok Kei-Dei

¹² Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.

Tit 3:12 Iomraidhean Croise

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

I Kor 16:6

Rŏ lăng inh oei hơdai iĕm đunh 'biơ̆, truh đơ̆ng rŏng kơ bơyan puih thâu, na đơ̆ng noh iĕm gơh tơgŭm inh mă năm tơ yơ yơ.

Êphêsô 6:21

'Bok mă chĕp ăn kơ iĕm hla kơthơ âu anăn sư Tisĭk, sư 'nhŏng oh bơngai lui bơ̆n. Bơ̆n 'mêm kơ sư mơ̆n yua kơ bơ̆n 'bôh sư adrin jang tơdrong Kră Yang Yêsu Krist tơpă. Na sư gô tơbăt ăn kơ iĕm tôm tơdrong inh oei 'lơ̆ng akâu hăm inh jang tơdrong 'Bok Kei-Dei thoi yơ dang ei na iĕm gô băt.

Kôlôsê 4:7

Tisĭk truh tơ iĕm, sư gô roi ăn kơ iĕm tôm tơdrong inh dang ei thoi yơ. Sư 'nhŏng oh lu bơ̆n bơngai lui, bơ̆n 'mêm kơ sư tơpă, yua kơ sư adrin jang tơdrong Yŏng bơ̆n Yêsu Krist thoi inh.

II Tim 4:12

Tisĭk inh wơh sư năm tơ Pơlei Êphêsô boih.

II Tim 4:21

Apinh ih adrin năm tơ inh hơdrol kơ bơyan tơngiĕt hŏ. Ôbil, Pơden, Lin, yă Klôđia păng đĭ-đăng 'nhŏng oh bơngai lui đei nơ̆r jet gia ih.

II Tim 4:9

Ih adrin năm tơ inh mă kuăng hŏ, yua kơ Đêmas sư 'mêm kơ akâu sư kơdih dang ei đĕch na sư achăng lê̆ inh năm tơ Pơlei Têsalônik. Krêsen năm tơ dêh char Galati boih păng Tĭt, sư năm tơ dêh char Đamatia.