Tit 2:15 - Sơ̆p Hlabơar Nơ̆r 'Bok Kei-Dei

¹⁵ Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Tit 2:15 Iomraidhean Croise

Mathiơ 7:29

yua kơ Sư bơtho hơgei thoi lĕ Sư băt kơdih, ưh kơ thoi lu thây bơtho tơdrong juăt đe Juđê chă bơtho đe.

Markôs 1:22

Đe mơ̆ng chrêu kơ đon, yua kơ dôm nơ̆r Sư bơtho gơh hơgei tơpă, ưh kơ thoi lu thây bơtho tơdrong juăt lu đe Juđê chă bơtho đe.

Markôs 1:27

Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Luka 4:36

Thoi noh na đĭ-đăng lu bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Thoi yơ bơngai âu pơma thoi noh đĕch ră mă-lei yang kơnê̆ mah lĕch hloi?”

I Kor 16:11

Iĕm 'nĕ pơdê sư. Lăp sư yak đơ̆ng iĕm wih tơ inh, iĕm athei tơgŭm 'biơ̆ hŏ, wă kơ sư hiôk păng dang ei inh oei chang gô sư hăm đĭ kơ bôl sư wih tơ inh tơ âu.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

Tit 1:13

Sư bơtho khan thoi noh trŏ tơpă. Na ih athei khă lu sư 'nĕ pă bơtho tơdrong kư̆ kă, wă kơ lu sư jah lui mă kơjăp.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.