Tit 1:6 - Sơ̆p Hlabơar Nơ̆r 'Bok Kei-Dei

⁶ Inh wă kơ ih rơih chă lu bơngai lui trŏ thoi âu: Bơngai bu đon 'lơ̆ng tơpăt mă đe ưh kơ lah bâu roi sư; păng sư bơngai iŏk akăn minh, kon sư kư̆m lui kơ 'Bok Kei-Dei mơ̆n; lu kon sư mă ưh kơ pơm kư̆ kă, sư băt chu yom kơ mĕ 'bă sư, hăm chu yom kơ 'Bok Kei-Dei đĕch.

Tit 1:6 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Tơdrông Pơđơk 28:7

Bu wei răk khôi juăt noh kon drŏ-nglo bơngai hơgei; Gah bu pơm juăt hăm lu bơngai sa dư noh wă pơm kơ 'bă sư mơlâu.

Êsêkiên 44:22

Lu sư ưh kơ gơh iŏk akăn adro wă pơm akăn păng ưh kơ gơh iŏk drŏ-kăn mă klo sư achăng, mă-lei gơh iŏk drŏ-kăn hơlai hle 'lơ̆ng lăm adrĕch Isơrael; mă-lei dah akăn adro lu 'bok soi sư kư̆m gơh iŏk.

Lêwi 21:14

Sư ưh kơ gơh oei kơ drŏ-kăn adro, drŏ-kăn klo sư hrĕch, drŏ-kăn ngôi kư̆ kă pơm đi; mă-lei athei oei kơ drŏ-kăn hơlai oei plơ̆ng đơ̆ng lăm kon pơlei sư kơdih,

Lêwi 21:7

'Bok soi ưh kơ gơh ôh oei kơ drŏ-kăn đi, dah drŏ-kăn kơnê̆ bơih; kư̆m ưh kơ gơh oei kơ drŏ-kăn đêl klo sư achăng; yua kơ 'bok soi bơngai 'lơ̆ng rơgoh kơ Kră Yang 'Bok Kei-Dei lu sư.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Luka 1:5

Kơplah pơtao Hêrôt pơgơ̆r dêh char Juđê sơ̆ đei minh 'nu 'bok soi anăn sư Sachari. Sư khŭl 'bok soi mă đe anăn khŭl Abia. Anăn akăn sư Êlisabet. Akăn sư ei kon sâu Arôn mă pơm 'bok soi tơm hmơm sơ̆.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

I Tim 1:9

'Bok Kei-Dei pơkă dôm lu tơdrong noh yua Sư wă phak lu bơngai kơnê̆ ưh kơ sĭ wă phak lu bơngai 'lơ̆ng ôh. Sư wă kơ phak lu bơngai ưh kơ chu, lu bơngai kư̆ kă, lu bơngai ưh kơ lui kơ Sư, lu bơngai pơm yoch, lu bơngai mă chă pơlôch đe, lu bơngai mă pơlôch mĕ 'bă kơdih,

I Tim 3:12

Lu bơngai drŏ-nglo lei-lăi mơ̆n dah sư wă jang lăm hnam 'Bok Kei-Dei. Sư athei iŏk akăn minh đĕch păng athei pơgơ̆r hnam dơnŏ sư mă 'lơ̆ng.

Tit 1:10

Đei lơ bơngai ưh kơ chu lui tơdrong bơ̆n bơtho. Lu sư pơma bơtho ưh kơ yua kiơ, sư pơma pơsôm kơ đe đĕch. Mă loi bơngai Juđê boih mơ'nah, sư khan sư lui kơ Kră Yang Yêsu Krist boih mă sư oei pơm thoi noh.

I Sam 2:11

Đơ̆ng noh Êlkana wih brŏk tơ pơlei sư tơ Rama, kon hơ'lơ̆p noh oei tơ noh bơ̆jang kơ Kră Yang 'bơ̆t anăp Hêli 'bok soi.

I Sam 2:22

Hêli đĭ kră dêh sư kơtơ̆ng kơ tơdrong bre kon drŏ-nglo sư pơm kơ đĭ-đăng lu bơngai Isơrael păng tơdrong lu kon sư 'bĭch hơdai hăm bre bơngai drŏ-kăn bơ̆jang 'bơ̆t anih 'măng Bơsŭn Anih Akŭm.