Tit 1:15 - Sơ̆p Hlabơar Nơ̆r 'Bok Kei-Dei

¹⁵ Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Tit 1:15 Iomraidhean Croise

Tơdrông Pơđơk 21:4

Măt lăng pơrŏ, păng jơhngơ̆m pơang, Ŭnh kơđeng lu bơngai kơnê̆, tă kơ yoch ngăl.

Tơdrông Pơđơk 30:12

Đei bơngai mơ'nah tơchĕng khan lu sư rơgoh 'lơ̆ng. Mă-lei tam đei ôp mơgrĭ lu sư.

Hagai 2:13

Hagai khan dơ̆ng: “Tơdah bu mă 'mê̆-'mach yua kơ pel akâu bơngai lôch na hơtŭt 'bơm dôm tơmam noh, na dôm lu tơmam noh hăm tơ 'bơm hơpoh 'mê̆-'mach ưh?” Lu 'bok soi tơl thoi âu: “Lu tơmam noh gô kơnê̆ 'mê̆-'mach.”

Mathiơ 15:18

Pôm nơ̆r pơma đĕch, lĕch đơ̆ng jơhngơ̆m đon kon bơngai, na pơm kơ kon bơngai jing yoch.

Jang 10:15

Na Pêtrôs kơtơ̆ng dơ̆ng thoi âu: “Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.”

Rom 14:14

Yua kơ inh lui kơ Yêsu Krist păng inh gơnang kơ Sư tơpă, na inh băt tôm tơdrong tơmam sa, ưh kơ đei tơmam sa ayơ bơ̆n sa khan yoch. Đơ̆ng đon bơ̆n tơchĕng khan yoch đĕch na jing yoch.

Rom 14:20

Tơdrong sa et iĕ ioch đĕch na wă pơrăm 'nhŏng oh bôl buăl kiơ̆ tơdrong 'Bok Kei-Dei. Bơ̆n băt dôm tơmam sa bơ̆n gơh sa ngăl, mă-lei dah 'nhŏng oh bơ̆n yoch yua kơ bơ̆n sa, noh măk ai kơ bơ̆n mă sa noh boih yua kơ bơ̆n dang pơyoch sư.

Rom 14:23

Mă tơdrong sa, mă tơdrong kiơ kiơ noh nai bơ̆n tơchĕng khan băt giĕng băt ưh, mă-lei bơ̆n kư̆ kơ pơm, noh bơ̆n yoch boih yua kơ bơ̆n ưh kơ kiơ̆ kơ đon lui bơ̆n.

I Kor 10:23

Đe khan: “Bơngai lui gơh pơm tôm tơdrong kư̆m bưh, ưh kơ đei kơ̆m ôh.” Mă-lei kư̆m đei tơdrong ưh kơ pơyua kơ bôl buăl wă kơ sư kiơ̆ kơ 'Bok Kei-Dei.

I Kor 10:25

Tơdah iĕm năm tơ kơchơ wă răt 'nhĕm sa, iĕm 'nĕ apinh bơngai mă tĕch 'nhĕm 'noh: “'Nhĕm ih hăm sơmah ưh?” Iĕm kư̆ kơ răt đĕch,

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

I Kor 8:7

Bơ̆n băt kơ rup yang ưh kơ yang tơpă ôh, mă-lei ưh kơ sĭ đĭ-đăng kơ bơngai lui ôh băt. Đei lu bơngai mơ'nah sư ưh kơ băt; hơtai sư tam mă lui sơ̆ sư kơkuh kơ rup yang, sư tơchĕng khan 'noh yang tơpă. Na dang ei sư lui kơ Yêsu Krist boih, dah sư sa 'bơm tơmam đe sơmah, jơhngơ̆m sư hli yua kơ sư juăt juăi tơdrong lui sư thoi noh boih; sư tơchĕng đe sơmah kơ yang tơpă, dah sư sa, sư khan sư pơm yoch boih.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.