Tit 1:11 - Sơ̆p Hlabơar Nơ̆r 'Bok Kei-Dei

¹¹ Ih athei khă lu sư 'nĕ pă pơm thoi noh dơ̆ng. Đei hnam dơnŏ mơ'nah mơ̆ng sư bơtho na đĭ kơ hnam dơnŏ sư jing hơwơ̆l kơ tơdrong 'Bok Kei-Dei na achăng lê̆ tơdrong lui sư. Lu đe ei sư bơtho tơdrong ưh kơ trŏ kơ tơdrong bơtho. Lu sư bơtho thoi noh, lu sư wă kơ gơh iŏk jên đe đĕch.

Tit 1:11 Iomraidhean Croise

Horiso 107:42

Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Horiso 63:11

Mă-lei pơtao gô chơt hiôk lăm Kră Yang 'Bok Kei-Dei. Bu pơkă hăm anăn Kră Yang gô pôk pơư kơ Kră Yang; Yua kơ Sư gô chĭt lê̆ 'bơ̆r lu bơngai pơma plêl.

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Luka 20:40

Đơ̆ng rŏng kơ noh đe ưh pă pơ̆n jet Yêsu dơ̆ng boih.

Yo 10:12

Gah bơngai wei triu mă ưh kơ tơ'ngla triu ei, sư bơngai jang đĕch; bơngai 'noh lăp sư 'bôh kŏ-so truh sư achăng lê̆ triu ei, na akâu sư jăk hloi tơ nai. Lu triu ei mơ'nah kŏ-so rôp, mơ'nah jăk tơklah tơklang.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

II Kor 11:10

Inh băt kơ Yêsu Krist oei lăm inh, Sư wă kơ inh pơma tơpăt, na inh wă roi tơbăt kơ đe dôm tơdrong inh kuă kơ pơgŏ sa tơmam đơ̆ng iĕm, jơ̆p kơ dêh Grĕk gô băt mơ̆n.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

I Tim 5:4

Mă-lei lu bơngai drŏ-kăn adro đei kon dah sâu sư, noh lê̆ lu kon sâu lu sư 'noh 'me sa sư. 'Bok Kei-Dei wă kơ bơ̆n wei-lăng 'me sa mĕ 'bă, yă 'bok bơ̆n kơdih. Bơ̆n athei 'me plơ̆ sư dơ̆ng.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

II Tim 2:18

Thoi noh na bre sư tŭk lê̆ tơdrong 'Bok Kei-Dei. Bre sư kư̆m pơma pơtuah lu bơngai lui mơ'nah jing achăng lê̆ tơdrong lui mơ̆n. Bre sư bơtho ưh kơ trŏ gah tơdrong bơ̆n wă iung arih ning-mônh, bre sư khan bơ̆n ưh kơ iung arih đơ̆ng lôch ôh.

II Tim 3:6

Lu bơngai ei lu mơ'nah mơ̆t tơ hnam bơngai drŏ-kăn mă ưh kơ hlôh. Lu sư pơtuah bơngai drŏ-kăn ei lui kơ 'Bok Kei-Dei. Lu bơngai drŏ-kăn ei lu sư băt kơdih đei lơ tơdrong yoch ră mơ̆n, mă-lei lu sư oei hưch tơdrong âu tơdrong to.

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

Tit 1:9

sư bơtho tơdrong 'Bok Kei-Dei 'blep trŏ nơ̆r 'Bok Kei-Dei tơpă. Thoi noh đe anăn sư gơh bơtho trŏ tơdrong 'Bok Kei-Dei păng sư gơh pơjah pơjăng păng lu bơngai mă ưh kơ lui ayăt tơdrong sư bơtho.

Tit 3:10

Bơngai lui bu mă bơtho tơdrong 'Bok Kei-Dei sư bơtho chroih tơ nai, sư wă kơ đe kiơ̆ gah tơdrong sư đĕch, ih athei khă sư truh 'bar 'măng hŏ. Na ih khă dơ̆ng truh pêng 'măng boih, sư tam mă chu kơ ih, ih pơih sư 'nĕ pă ăn sư bơtho dơ̆ng.