Sa 9:8 - Sơ̆p Hlabơar Nơ̆r 'Bok Kei-Dei

⁸ Inh gô war bơwei tăp dăr kơ hnam Inh, tơblah hăm lu linh, wă ưh kơ đei bu mơ̆t lĕch. Lu bơngai pơgô̆ đe ưh pă đei pơgô̆ boih, yua kơ dang ei măt Inh lăng bơwei sư.

Sa 9:8 Iomraidhean Croise

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

II Pot 19:34

Yua kơ Inh hăm Đawit đĭch đam inh, na Inh gô dŏng pơklaih pơlei 'nâu.

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Pot 24:1

Lăm chăl Jêhôiakim pơgơ̆r, Nebukatnessar, pơtao đe Babilôn, blah iŏk dêh char Juđa, Jêhôiakim chu jang kơ sư lăm pêng sơnăm, đơ̆ng noh sư tơplih đon tơchĕng sư iung blah pơtao đe Babilôn dơ̆ng.

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 72:4

Sư gô sek dŏng lu bơngai dơnuh hin lăm kon pơlei. Dŏng pơklaih lu kon lu bơngai kơ'bah kơ'bôch păng pơrăm lu bơngai pơjuă pơđep đe

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 3:9

Nơ̆r krao ôr đơ̆ng kon pơlei Isơrael kơtơ̆ng truh tơ Inh păng Inh 'bôh boih kon pơlei Êyiptơ pơgŏ pơđep lu sư thoi yơ;

Tơdrông Pơđơk 3:25

'Nĕ kơ hli krưp kiơ ôh kơplah tơdrong kơnê̆ blư truh kơ ih, Kŭm 'nĕ kơ hli krưp mơ̆n kơplah ih 'bôh tơdrong kơnê̆ truh pơrăm lu bơngai pơm kơnê̆.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 31:5

Nhen thoi sem păr tơ kơpal bơwei kon sư thoi yơ, kư̆m lei-lăi thoi noh mơ̆n Kră Yang Tih Hloh gô bơwei Jêrusalem, Sư gô wei-lăng păng dŏng pơklaih, Sư gô găn lê̆ păng pơklaih lu sư.”

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Je 46:13

'Nâu nơ̆r Kră Yang khan kơ Jêrêmi bơngai khan lê̆ adrol kơ tơdrong Nebukatnessar pơtao Babilôn wă năm blah dêh char Êyiptơ:

Je 46:2

Gah dêh Êyiptơ: Nơ̆r roi gah lu linh Pharaôn Nekô pơtao dêh Êyiptơ, oei cheng Krong Ơphrat tơ pơlei Karchêmis; lu linh mă đơ̆ng tơblah thuơ kơ Nebukatnessar, pơtao Babilôn, lăm sơnăm mă puăn chăl Jêhôiakim, kon drŏ-nglo Jôsia, pơm pơtao đe Juđa.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Am 9:15

Inh gô pơtăm lu sư tơ teh đak lu sư kơdih păng ưh pă đei bu buch lu sư dơ̆ng đơ̆ng teh mă inh đei ăn boih kơ lu sư Kră Yang 'Bok Kei-Dei ih khan thoi noh.

Sa 12:4

Kră Yang khan: “Lăm năr noh, Inh gô druh teh rim kơ lu aseh wă kơ lu sư kơdâu hli tơrơ, dôm lu bơngai hao aseh noh gô nhen thoi wơnh; Inh gô bơyar măt Inh lăng tơ Juđa păng Inh gô teh rim aseh lu kon tơring jing măt tol.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Sa 14:11

Lu đe gô oei tơ noh, đe ưh pă hiap sư dơ̆ng, mă-lei Jêrusalem gô oei hiôk-hian.

Sa 9:7

Mă-lei Inh gô iŏk pham đơ̆ng 'bơ̆r sư păng tơdrong kơnê̆ đơ̆ng lăm hơnĕnh lu sư; lu khŭl sư mă oei đei gô jing khŭl Kră Yang 'Bok Kei-Dei lu bơ̆n, sư kư̆m thoi yŏng kơdră adrĕch Juđa păng Ekrôn thoi bơngai Jêbus.

Jang 7:34

Inh 'bôh boih tơdrong đe Êyiptơ pơđep lu iĕm mă kon Inh. Inh kơtơ̆ng iĕm nhơ̆m hmoi na dang ei Inh jur wă dŏng mơnat kơ lu iĕm. Iung bĕ, Inh wơh ih năm tơ dêh Êyiptơ.’

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.