Sa 9:6 - Sơ̆p Hlabơar Nơ̆r 'Bok Kei-Dei

⁶ Bơngai tơmoi gô oei lăm pơlei Asdôt; Inh gô tơhiong lê̆ tơdrong pơang lu bơngai Philistin.

Sa 9:6 Iomraidhean Croise

Bôk Bơthô 6:2

Đei minh 'nu bơngai mă Kră Yang 'Bok Kei-Dei ăn kơ sư mơdrŏng, đei mŭk tơmam lơ, đe ư-ang, dĭng mah dôm tơdrong jơhngơ̆m sư hơpơi nă đei ngăl, ưh kơ đei kơ'bah kiơ hloi; mă-lei Kră Yang 'Bok Kei-Dei ưh kơ ăn sư yua sa mŭk tơmam sư noh ôh, tă kơ bơngai nai đei yua sa mŭk tơmam sư noh. Noh jơ̆ tơdrong kơđei, noh boih tơdrong tơnat kơhlôh dêh.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!

Je 47:1

'Nâu nơ̆r Kră Yang khan kơ Jêrêmi bơngai khan lê̆ adrol gah bơngai Philistin adrol kơ Pharaôn wă blah Gasa.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Jêphania 2:10

Tơdrong noh truh tơ lu sư yua kơ lu sư pơang, pơrŏ pơhuơ̆, pơư kơdih khan tơblah hăm kon pơlei Kră Yang Tih Hloh,

Jêphania 2:4

Sĭt tơpă Gasa gô lê̆ bri, Askalon gô juơ rơhiăng; đe gô pơpuh kon pơlei Asdôt kơplah 'năr dơ̆ng păng Ekrôn đe gô buch lê̆.

Sa 9:5

Pơlei Askalon gô 'bôh păng hli; Gasa kư̆m 'bôh păng jĭ lăm jơhngơ̆m ưh kơ sŭk; pơlei Ekrôn kư̆m lei-lăi, yua kơ dôm tơdrong sư chang hơmĕng gô hiong tôch; pơtao pơlei Gasa đe gô pơlôch păng pơlei Askalon gô pă đei kon pơlei oei.

Sa 9:7

Mă-lei Inh gô iŏk pham đơ̆ng 'bơ̆r sư păng tơdrong kơnê̆ đơ̆ng lăm hơnĕnh lu sư; lu khŭl sư mă oei đei gô jing khŭl Kră Yang 'Bok Kei-Dei lu bơ̆n, sư kư̆m thoi yŏng kơdră adrĕch Juđa păng Ekrôn thoi bơngai Jêbus.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.