Sa 9:16 - Sơ̆p Hlabơar Nơ̆r 'Bok Kei-Dei

¹⁶ Lăm năr noh, Kră Yang 'Bok Kei-Dei lu sư gô dŏng pơklaih lu kon pơlei sư thoi lu triu, kư̆m thoi minh tơmo gĭt lăm môk pơtao gô pơchrang kơpal teh.

Sa 9:16 Iomraidhean Croise

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Le 28:21

Gô đei đĭ-đăng mơjĭt-'bar găr, kiơ̆ kơ lu anăn kon drŏ-nglo Isơrael; tơ kơpal rim kơ găr tơmo rang 'noh đe chrek anăn minh 'nu lăm mơjĭt-'bar adrĕch adrung lu kon drŏ-nglo Isơrael, nhen thoi đe pơm tơmam tơdra kơtĭt 'noh.

Le 28:9

Ih athei iŏk 'bar tŏ tơmo gĭt păng chrek chhơ̆ tơ noh anăn lu kon drŏ-nglo Isơrael.

Êsai 40:10

To Kră Yang jur hăm tơdrong mơsêh mơyang, păng Sư pơgơ̆r hăm ti pran kơtang Sư To, lu bơngai mă Kră Yang dŏng pơklaih gô năm hơdai Sư.

Êsai 54:12

Inh gô iŏk tơmo gôh gĭt pơm hnam thôt, iŏk tơmo gĭt rang pơm rim 'măng jang ih păng đĭ-đăng dur ih tă pơm păng tơmo gĭt ngăl.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 62:3

Ih jing môk pơtao 'lơ̆ng rŏ lăm tơpang ti Kră Yang, pơm môk pơtao lăm tơpang ti Kră Yang 'Bok Kei-Dei ih.

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Je 31:11

Yua kơ Kră Yang đei huai iŏk boih Jakôp păng dŏng pơklaih lu sư đơ̆ng ti lu bơngai pran kơtang hloh.

Êsêkiên 34:11

'Nâu nơ̆r Kră Yang khan: Inh kơdih gô chă triu Inh păng rong bơwei lu sư.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Jêphania 3:20

Kơplah noh, Inh gô anhăk iĕm brŏk, kơplah lăm năr noh Inh akŭm pơpôi iĕm hơdai, yua kơ Inh gô ăn kơ iĕm đei đe pơư pơang păng đei đe pơyom bơnê tơ lăm rim adrĕch adrung kon bơngai kơpal teh âu, kơplah Inh tơbrŏk lu bơnă 'bơ̆t anăp lu iĕm,” Kră Yang đei khan thoi noh.

Hagai 2:23

Kră Yang Tih Hloh khan: “Ơ Sôrôbabel, kon drŏ-nglo Salathiel lăm năr noh, Inh gô iŏk ih pơm đĭch đam Inh!” Kră Yang khan: “Inh gô pôk ih thoi tơkhiĕn kĭ pơkăm yua kơ Inh đei rơih iŏk ih boih.” Kră Yang Tih Hloh khan thoi noh.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.