Sa 8:4 - Sơ̆p Hlabơar Nơ̆r 'Bok Kei-Dei

⁴ Kră Yang Tih Hloh khan thoi âu: “Gô oei đei lu 'bok kră yă kră oei tơ rok trong pơlei Jêrusalem, bu bu kư̆m tă kơ chĕp 'long jra ngăl, yua kơ kră boih.

Sa 8:4 Iomraidhean Croise

Jop 42:17

Đơ̆ng noh Jop lôch sơnăm đĭ sot akâu đĭ kră arih hrăp jơnap.

Jop 5:26

Ih gô brŏk tơ bơsat kơplah ih 'lŏ kră sot lơ sơnăm thoi hơchô̆ 'ba truh tơ anih preh 'ba lăp bơyan.”

Le 21:19

tơdah oei gơh iung chĕp 'long jra năm chă ngôi tơ 'nguaih bơngai mă teh noh đe gô mơnat ăn yoch sư. Mă-lei athei duh jên hơmet tơdrong jĭ kơplah dôm năr sư păn păng rong truh kơ sư klaih praih hiôk pran.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 31:24

Lăm char Juđa păng đĭ-đăng lu pơlei lu sư oei hơdai tơ noh, lu bơngai bơ̆jang mir 'ba hăm lu bơngai wei triu.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

I Sam 2:31

'Nâu, đơ̆ng âu tơ anăp Inh gô pơtôch lê̆ lu bơngai oei đơ̆ng pran kơtang đơ̆ng adrĕch ih, hăm lu bơngai đơ̆ng adrĕch 'bok ih. Thoi ei wă ưh kơ đei bu arih dĭng kră lăm adrĕch ih.

I Sam 2:32

Ih gô 'bôh đei tơdrong rŭng răng lăm adrĕch Ih, mă khan đei pơm 'lơ̆ng kơ lu bơngai Isơrael ră mă-lei kư̆m oei ưh kơ đei bu arih dĭng kră lăm adrĕch ih dơ̆ng.