Sa 8:23 - Sơ̆p Hlabơar Nơ̆r 'Bok Kei-Dei

²³ Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Sa 8:23 Iomraidhean Croise

Bl 31:41

Noh lăm 'bar-jĭt sơnăm oei lăm hnam ih, mơjĭt-puăn sơnăm tơgŭm jang wă kơ đei oei kơ bre kon adruh ih păng tơdrâu sơnăm wă kơ đei lu sem dơrong đơ̆ng ih, mă-lei ih kư̆m oei đei đon tơplih mơjĭt wơ̆t wă ăn apah inh.

Bl 31:7

Gah 'bă măr iĕm ưh kơ lăp, na pơdê inh păng tơplih đei hloh kơ mơjĭt wơ̆t gah mă apah inh jang; mă-lei Kră Yang 'Bok Kei-Dei ưh kơ ăn sư pơrăm inh tŏ sĕt.

II Pot 2:6

Êli khan kơ sư: “Inh apinh ih ngôi 'bơ̆t dâu hŏ yua kơ Kră Yang wơh inh năm tơ đak krong Jôrđăn.” Êlisê tơl: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh bre sư oei hơnơ̆ng năm hơdai đĕch.

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

II Ho 15:9

Sư akŭm đĭ bơngai Juđa, lu bơngai Bênjamin păng lu bơngai lăm Êphraim, Manase păng adrĕch Simêôn, mă oei oei hơdai lu sư; đei lơ bơngai Isơrael năm mơ̆t oei tơ gah sư, yua kơ 'bôh đei Kră Yang 'Bok Kei-Dei tơgŭm păng oei hơdai Asa.

Esther 8:17

Lăm rim tơring, rim pơlei, anih ayơ mă đei iŏk hla bơar pơkă đơ̆ng pơtao truh tơ tơring noh đei tơdrong chơt hiôk chhôk hơiă kơ adrĕch adrung Juđa, minh năr et sa chơt hiôk. Đei lơ lu bơngai lăm adrĕch char đe nai kư̆m khan kơ lu sư bơngai Juđa yua kơ lu sư hli dêh kơ bơngai Juđa pơm kơ lu sư.

Jop 19:3

Lu iĕm chă pơma pơjăm pơjuă mơjĭt wơ̆t kơ 'nâu bơih, lu iĕm pơm kơ inh pă đei hơkơch.

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Êsai 3:6

Minh 'nu bơngai gô rôp pơkơ̆ng minh 'nu 'nhŏng oh sư tơ lăm hnam 'bă sư na khan: “Ih đei ao tai, ih pơgơ̆r lu nhôn! Păng tơdrong răm rai 'nâu ih bơih pơgơ̆r.”

Êsai 4:1

Lăm năr noh tơpơh 'nu drŏ-kăn gô rôp pơkơ̆ng minh 'nu drŏ-nglo păng pơma khan: “Lu nhôn sŏng sa tơmam nhôn kơdih. Păng hrŭk hơbĕn ao nhôn kơdih; apinh ăn kơ đe krao nhôn anăn Ih; sŭt lê̆ lu tơdrong mơlâu lu nhôn.”

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 45:24

Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Mi 5:5

Lu sư gô yua đao blah pơrăm dêh Asiri păng lu 'măng jang Nimrôt; păng Sư gô dŏng pơklaih bơ̆n đơ̆ng lu bơngai Asiri, tơdah lu sư mơ̆t lăm teh đak bơ̆n păng teh pơjuă lăm anih noh.

Jêphania 3:19

Âu, lăm kơplah noh, Inh pơlôch lu bơngai mă pơm kơ ih ơh sơ'ngon; Inh gô dŏng pơklaih lu bơngai hơwen hơwo jo jăn, pơpôi lu bơngai mă đe pơpuh tơweh đe teh pơmat, pơm ăn kơ lu iĕm jing đe bơnê păng pơư pơang; wă khan lu bơngai mă đe pơjăm pơjuă lăm teh đak âu.

Jo 14:22

lu iĕm 'bôh boih dôm tơdrong ư-ang, tơdrong hlĭch chrơp Inh đei pơm boih lăm char Êyiptơ păng lăm char glă, lu iĕm đei pơlong lăng Inh mơjĭt wơ̆t păng kuă pă mơ̆ng nơ̆r Inh,

Luka 8:44

Sư năm hơdai đe kiơ̆ đơ̆ng rŏng Yêsu chur mơ̆t kiơ̆ Yêsu wă pel tơdrơi ao Yêsu wă kơ klaih kơ tơdrong jĭ sư. Lăp sư pel 'bơm tơdrơi ao Yêsu, kơtă ei sư klaih hloi kơ đơ̆ng tuh pham.

Jang 19:12

Bơngai lui iŏk che mu-suar păng kơn đêl Pôl yua kơdih, pơchĕp kơ đe jĭ jăn, na tơdrong jĭ lu sư klaih păng lu yang kơnê̆ lĕch đĭ đơ̆ng akâu lu sư.

I Kor 14:25

Păng dah lu sư băt kơdih bơngai yoch tih dang yơ, lu sư kư̆m sơtơ̆p kŭl-tăng kơkuh hli kơ 'Bok Kei-Dei mơ̆n păng lu sư kư̆m băt kơ iĕm bơngai 'Bok Kei-Dei tơgŭm.

Jôsuê 8:35

Ưh kơ đei nơ̆r ayơ Môis đei bơtho khan, mă Jôsuê ưh kơ đŏk ưh kơ roi tơbăt ăn kơ bơngai Isơrael, mă drŏ-kăn, hơ'lơ̆p păng mă tơmoi oei hơdai lu sư.