Sa 8:21 - Sơ̆p Hlabơar Nơ̆r 'Bok Kei-Dei

²¹ păng gô đei kon pơlei 'nâu năm tơ pơlei nai păng khan thoi âu: ‘Bĕ lu bơ̆n yak mă kuăng, wă kơ apinh tơdrong mơnat đơ̆ng Kră Yang păng chơchă Kră Yang Tih Hloh; inh kư̆m gô năm.’

Sa 8:21 Iomraidhean Croise

II Ho 11:16

Lăm adrĕch bơngai Isơrael, bu đei jơhngơ̆m chă Kră Yang 'Bok Kei-Dei Isơrael, lu sư kiơ̆ lu bơngai Lêwi, năm tơ Jêrusalem wă pơyơ̆r tơmam soi ăn kơ Kră Yang 'Bok Kei-Dei lu 'bok sư.

Horiso 103:22

Hơri bơnê bĕ kơ Kră Yang! Ơ dôm lu sem tơmam mă Kră Yang pơjing, Lăm jơ̆p anih teh đak Sư, Ơ bơhngol inh, hơri bơnê bĕ kơ Kră Yang!

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Je 31:6

Gô đei năr lu bơngai gak tơ kơpal kông Êphraim ôr krao: Iung bĕ bơ̆n tŏk tơ kông Siôn, năm kơkuh kơ Kră Yang, 'Bok Kei-Dei lu bơ̆n!’ ”

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Sa 7:2

Lu kon pơlei Bethel đei wơh bre Sareser hăm Rêgêmalek hăm lu bơngai kiơ̆ wă apinh tơdrong mơnat đơ̆ng Kră Yang,

Sa 8:22

Thoi noh đei lơ kon pơlei păng lu adrĕch adrung lăm teh đak pran kơtang gô năm chă Kră Yang Tih Hloh tơ pơlei Jêrusalem păng apinh tơdrong mơnat đơ̆ng Kră Yang tơ noh.”

Yo 1:37

'Bar 'nu bơngai mă pơhrăm păng Yôhan kơtơ̆ng sư khan thoi noh, bre sư năm kiơ̆ Yêsu hloi.