Sa 8:16 - Sơ̆p Hlabơar Nơ̆r 'Bok Kei-Dei

¹⁶ 'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.

Sa 8:16 Iomraidhean Croise

Horiso 15:2

Lu bơngai yak kiơ̆ trong tơpăt, pơm tơdrong trŏ. Sư pơma tơpăt lăm jơhngơ̆m sư;

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Tơdrông Pơđơk 12:17

Bơngai bu pơma tơpăt băt pơm kơdranh trŏ, bơngai kơnê̆ băt pôm pơm kơdranh hơlĕnh.

Tơdrông Pơđơk 12:19

Hơpiĕt pơma tơdrong sĭt gô oei ling-lang, Hơpiĕt pơma hơlĕnh đei hrei 'nâu đĕch.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Êsêkiên 18:8

Ăn kơ đe tŏk iŏk ưh kơ iŏk lơi adrol ưh kơ iŏk lơi lơ, ưh kơ mơ̆t hơdai lu bơngai pơm ưh kơ 'lơ̆ng tơpăt, sek tơlang tơpăt lăm tơduă kon bơngai.

Êsêkiên 45:9

Kră Yang khan thoi âu: Ơ lu yŏng pơgơ̆r Isơrael, noh tôm boih! 'Nĕ pă pơm kơnê̆ păng pơjuă pơđep; pơm bĕ tơdrong 'lơ̆ng tơdrong tơpăt; 'nĕ pă pơpuh kon pơlei Inh dơ̆ng, Kră Yang khan.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Am 5:24

Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.

Mi 6:12

Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Sa 7:9

“Kră Yang Tih Hloh khan thoi âu: ‘Pơm bĕ dôm tơdrong kiơ mă 'lơ̆ng tơpăt păng rim 'nu athei iơ̆m dim, 'mêm mơnat kơ 'nhŏng oh;

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Mathiơ 5:9

“Pŭn dêh lu bơngai gơh pơm sơlam kơ đe wă kơ lu sư tơhiôk băl, đe gô jô̆ sư kon 'Bok Kei-Dei.

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”