Sa 8:13 - Sơ̆p Hlabơar Nơ̆r 'Bok Kei-Dei

¹³ Ơ hnam Juđa păng hnam Isơrael! Gô đei tơdrong thoi đe hiap iĕm lăm teh đak thoi yơ, na Inh gô dŏng pơklaih lu iĕm păng lu iĕm gô đei tơdrong pŭn hiôk thoi noh. Lu iĕm 'nĕ kơ hli mă-lei ti iĕm athei pran kơtang.”

Sa 8:13 Iomraidhean Croise

Bl 26:4

Inh gô ăn thim kơ adrĕch adrung ih lơ thoi sơnglŏng tơ plĕnh ti: Gô ăn kơ lu sư dêh char âu đĭ-đăng kon bơngai jơ̆p pơlei pơla lăm teh đak gô đei tơdrong pŭn hiôk đơ̆ng lu sư,

Horiso 44:16

Păng hiĕk ăr kơ lu nhôn Păng đei lu bơngai ayăt, lu bơngai wă pơm 'mong.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 25:18

Pơlei tih Jêrusalem păng lu pơlei lăm char Juđa, ăn kơ lu pơtao lu yŏng pơgơ̆r, pơm ăn kơ lu sư răm jing rơ̆m rĕk, đe pơjăm đe blei hiap, đe lăng lu sư 'brơ̆ krưp thoi hrei 'nâu.

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Je 33:24

“Ih hăm đei kơtơ̆ng nơ̆r lu kon pơlei 'nâu pơma: Lu sư khan: ‘'Bar tŏ adrĕch adrung mă Kră Yang rơih boih, na achăng lê̆ dơ̆ng. Lu sư pơjăm kon pơlei Inh, ưh kơ lăng kon pơlei Inh thoi minh pôm dêh char dơ̆ng.”

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Je 44:12

Inh gô pơrăm lu kon pơlei bơngai Juđa oei oei, mă năm boih tơ char Êyiptơ păng oei tơ noh; lu sư gô lôch đĭ tơ noh lu sư gô lôch kơ đao gưm pơngot rơwĕt tih, lăm dêh Êyiptơ. Lu pơm tih pơm iĕ gô lôch đĭ kơ đao gưm pơngot rơwĕt; pơm kơ đe blei hiap, che bơle hiĕk achơ̆, đe lăng 'brơ̆ krưp.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Nhom 4:15

Lu đe ôr khan kơ lu sư, weh bĕ, weh bĕ! 'Nĕ kơ pel 'bơm! Kơplah lu sư chă kơdâu thông mang, kon pơlei tơmoi khan, Lu sư ưh pă gơh oei tơ âu boih.

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Da 9:11

Đĭ-đăng bơngai Isơrael pơm yoch boih kơ khôi juăt Ih păng jing ưh pă wă mơ̆ng nơ̆r Ih. Thoi noh na tơdrong hiap pơtê̆ păng nơ̆r pơkă hiap đei chih lăm sơ̆p hla bơar khôi juăt Môis mă đĭch đam Kră Yang 'Bok Kei-Dei, đei tuh boih tơ lu nhôn, yua kơ lu nhôn đei pơm yoch glăi boih hăm Ih.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Jêphania 3:16

Lăm năr noh, đe gô khan kơ pơlei Jêrusalem thoi âu: “Ơ Siôn 'nĕ pă hli, ti ih 'nĕ pă rơdu!

Jêphania 3:20

Kơplah noh, Inh gô anhăk iĕm brŏk, kơplah lăm năr noh Inh akŭm pơpôi iĕm hơdai, yua kơ Inh gô ăn kơ iĕm đei đe pơư pơang păng đei đe pơyom bơnê tơ lăm rim adrĕch adrung kon bơngai kơpal teh âu, kơplah Inh tơbrŏk lu bơnă 'bơ̆t anăp lu iĕm,” Kră Yang đei khan thoi noh.

Hagai 2:19

lu iĕm hăm pă đei găr adrĕch hơmet lê̆ lăm pơk ưh? Mă khan truh tơ tơm hơmu 'long hơra, 'long ôliwơ, 'long gărnăt, kư̆m ưh kơ đei tơm 'long ayơ mă đei plei. Mă-lei iŏk đơ̆ng năr âu inh gô ăn pŭn hiôk kơ iĕm.”

Hagai 2:5

‘Nơ̆r pơgơ̆p mă Inh đei pơkă hăm lu iĕm, kơplah iĕm lĕch hloi đơ̆ng dêh char Êyiptơ hăm Yang Bơhngol Inh oei hơdai iĕm. 'Nĕ kơ hli ôh.’

Sa 1:19

Inh khan hloi kơ linh jang mă oei pơma hăm inh thoi âu: “Lu tơmam noh tơmam kiơ?” Sư tơl inh thoi âu: “Noh boih lu hơke mă đei pơm kơ char Juđa, Isơrael păng Jêrusalem pơchah đĭ.”

Sa 14:11

Lu đe gô oei tơ noh, đe ưh pă hiap sư dơ̆ng, mă-lei Jêrusalem gô oei hiôk-hian.

Sa 8:15

“na năr 'nâu kư̆m lei-lăi, Inh pơkă wă pơm 'lơ̆ng kơ pơlei Jêrusalem păng hnam Juđa: Lu iĕm 'nĕ kơ hli!

Sa 8:9

Kră Yang Tih Hloh khan thoi âu: “Ơ lu iĕm jơ̆ bơngai mă kơtơ̆ng năr 'nâu, kơtơ̆ng dôm lu nơ̆r noh đơ̆ng lu bơngai khan lê̆ adrol lăm năr mă hnam akŭm Kră Yang Tih Hloh đei pơdơ̆ng pơjing boih, na lu iĕm pơm bĕ kơ ti lu iĕm jing pran.

Sa 9:13

Inh gô gŭt Juđa thoi hră păng Êphraim jing 'brơ̆m sư; Inh gô pơdrŭt lu kon drŏ-nglo ih, ơ Siôn, tơblah hăm lu kon drŏ-nglo ih, ơ char Grĕk; Inh gô yua lu iĕm thoi đao lu bơngai tơblah.”

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.