Sa 7:7 - Sơ̆p Hlabơar Nơ̆r 'Bok Kei-Dei

⁷ Noh hăm trŏ khan ưh kơ nơ̆r Kră Yang yua lu 'bok khan lê̆ adrol chăl sơ̆ roi tơbăt, kơplah Jêrusalem păng lu pơlei tih tăp dăr sư đei kon pơlei oei păng hrôh ngôh păng kơplah gah gơal păng gah hơlĕch đei kon pơlei oei boih?’ ”

Sa 7:7 Iomraidhean Croise

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 17:26

Đei bơngai gô truh đơ̆ng lu pơlei Juđa păng truh đơ̆ng jơ̆p-jang pơlei iĕ tăp dăr kơ pơlei Jêrusalem, đơ̆ng lăm char Bênjamin, đơ̆ng tơnăp groi, gah bơmơ̆t, đơ̆ng kông groi, đơ̆ng char glă gah gơal, wă chĕp tơmam soi 'buh, lu tơmam soi thoi phe, 'ba, tơmam 'bâu phu păng tơmam soi bơnê tơ hnam Kră Yang.

Je 22:21

Inh đei bơtho khan boih kơ ih kơplah ih hiôk jơnap, mă-lei ih khan Inh ưh kơ wă mơ̆ng ôh. 'Nâu tơdrong ih đei pơm boih đơ̆ng ih oei 'lơ̆p sơ̆, ih oei ưh kơ wă mơ̆ng nơ̆r Inh.

Je 32:44

Lu đe gô yua jên hu răt mir na, chih hla bơar tĕch, chơ̆m pơsĭt, chih pơklep chă bơngai kơdranh pơsĭt kơ đơ̆ng lăm char Bênjamin, lăm lu anih tăp dăr kơ pơlei tih Jêrusalem, lăm pơlei Juđa păng lăm lu pơlei tơ kông groi dah lăm tơring lăm thŭng păng lu pơlei gah gơal, yua kơ Inh gô chông anhăk bơnă wih brŏk hiôk-hian jơnap.” Noh Kră Yang khan.”

Je 33:13

Lăm lu pơlei tơring groi kông păng lu pơlei lăm tơring groi gah bơmơ̆t, lăm lu tơring glă gah gơal, lăm teh đak Bênjamin, tơ lăm rim anih tăp dăr Jêrusalem păng lăm pơlei char Juđa, khŭl triu gô yak rok ala ti đe gô jô̆ lu sư.” Noh Kră Yang khan.

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Je 7:5

Tơdah lu iĕm tơplih ming trong arih păng tơdrong jang lu iĕm tơpă, tơdah lu iĕm pơm 'lơ̆ng tơpăt tơduă lu iĕm mă tơpă.

Sa 7:12

Lu sư pơm kơ jơhngơ̆m lu sư arăng thoi tơmo jơmŏng kuă kơ mơ̆ng khôi juăt mă Kră Yang Tih Hloh đei ăn boih Yang Bơhngol Sư yua lu 'bok khan lê̆ adrol kră sơ̆ mă Sư đei wơh; yua kơ thoi noh na đei tơdrong hil tih dêh đơ̆ng Kră Yang Tih Hloh.

Sa 7:6

Kơplah iĕm et sa păng sŏng sa, hăm trŏ ưh kơ sĭ yua kơdih iĕm na et sŏng sa? Yua kơ iĕm kơdih et sŏng sa hă?

Sa 7:8

Đơ̆ng noh, đei nơ̆r Kră Yang khan kơ Sachari:

Both 34:3

tơring gah gơal, jơ̆p tơmăn glă, thŭng dơnă Jêrikô; noh pơlei tih 'long gol, truh tơ Soar.