Sa 5:4 - Sơ̆p Hlabơar Nơ̆r 'Bok Kei-Dei

⁴ Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Sa 5:4 Iomraidhean Croise

Jop 18:15

Bơngai ưh kơ khŭl sư gô oei lăm bơsŭn sư, đe tuh tơmo ŭnh tơ kơpal anih sư oei.

Jop 20:26

Măng mu hơ'bơ̆l gô gom klơ̆p lê̆ tơmam gĭt sư. Ŭnh ưh kơ đei kon bơngai dơhlu dơhlông sa lê̆ sư. Kiơ mă oei lăm bơsŭn sư ŭnh gô sa pơđĭ.

Jop 8:15

Sư gơnang kơ hnam sư mă-lei hnam ưh kơ kĕ kơ dơ̆ng ôh; lu sư rôp pơjăng kơ hnam, kư̆m ưh kơ kĕ kơ iung.

Jop 8:22

Lu bơngai areh kơ ih gô kơdơ̆ mơlâu. Bơsŭn lu bơngai pơm kơnê̆ gô răm đĭ.”

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 4:3

Yua kơ thoi noh na lăm char âu đei ơh sơ'ngon, lu bơngai oei lăm noh rơmơ̆n rơmok, lu sem brem, lu sem păr kư̆m lei-lăi, ka lăm đak dơsĭ kư̆m lôch.

Am 3:10

Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Sa 5:3

Đơ̆ng noh sư khan kơ inh: “'Nâu jing tơdrong hiap pơtê̆ jơ̆p-jang kơ teh đak; yua kơ kiơ̆ kơ sơ̆p hla bơar đei chih boih tơ gah minh pah, rim 'nu bơngai bu mă tơtông klĕ đe gô pơrăm lê̆ sư, đơ̆ng noh kư̆m kiơ̆ kơ hla bơar đei chih tơ minh pah nai dơ̆ng bơngai bu mă kăt tơdra hơkar hơlĕnh đe kư̆m gô pơrăm lê̆ sư.”

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Both 28:16

Đe gô hiap pơtê̆ iĕm mă oei lăm pơlei dah tơ mir chŭn.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Jôsuê 9:20

'Nâu lu bơ̆n athei pơm kơ lu sư thoi âu: Ăn kơ lu sư oei arih, lei Kră Yang huay kơ hil mĭl kơ bơ̆n. Yua kơ lu bơ̆n đei pơkă pơkăm hăm lu sư boih.