Sa 5:3 - Sơ̆p Hlabơar Nơ̆r 'Bok Kei-Dei

³ Đơ̆ng noh sư khan kơ inh: “'Nâu jing tơdrong hiap pơtê̆ jơ̆p-jang kơ teh đak; yua kơ kiơ̆ kơ sơ̆p hla bơar đei chih boih tơ gah minh pah, rim 'nu bơngai bu mă tơtông klĕ đe gô pơrăm lê̆ sư, đơ̆ng noh kư̆m kiơ̆ kơ hla bơar đei chih tơ minh pah nai dơ̆ng bơngai bu mă kăt tơdra hơkar hơlĕnh đe kư̆m gô pơrăm lê̆ sư.”

Sa 5:3 Iomraidhean Croise

Le 20:15

'Nĕ kơ tơtông klĕ.

Tơdrông Pơđơk 29:24

Bơngai bu ngôi hơdai hăm bơngai tơtông ayăt kơ bơhngol sư; Đe ăn sư pơkă pơkăm ră mă-lei ưh kơ pơ̆n pơma kiơ.

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsêkiên 2:9

Na inh lăng, inh 'bôh ti chro truh tơ inh; lăm ti đei minh sơnôm hla bơar.

Da 9:11

Đĭ-đăng bơngai Isơrael pơm yoch boih kơ khôi juăt Ih păng jing ưh pă wă mơ̆ng nơ̆r Ih. Thoi noh na tơdrong hiap pơtê̆ păng nơ̆r pơkă hiap đei chih lăm sơ̆p hla bơar khôi juăt Môis mă đĭch đam Kră Yang 'Bok Kei-Dei, đei tuh boih tơ lu nhôn, yua kơ lu nhôn đei pơm yoch glăi boih hăm Ih.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Lêwi 19:12

Lu iĕm 'nĕ kơ yua anăn Inh na pơkă hơlĕnh, yua kơ ih pơm kơnê̆ kơ Kră Yang 'Bok Kei-Dei ih, Inh boih Kră Yang.

Am 3:10

Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Malachi 4:6

Sư gô pơm ăn kơ jơhngơ̆m 'bă hơlơ̆k 'blŏk kơ kon sâu sư, kon sâu sư gô hơlơ̆k 'blŏk kơ 'bă lu sư, hli kơnh Inh wă pơrăm teh âu hăm tơdrong hiap.”

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

I Tim 1:9

'Bok Kei-Dei pơkă dôm lu tơdrong noh yua Sư wă phak lu bơngai kơnê̆ ưh kơ sĭ wă phak lu bơngai 'lơ̆ng ôh. Sư wă kơ phak lu bơngai ưh kơ chu, lu bơngai kư̆ kă, lu bơngai ưh kơ lui kơ Sư, lu bơngai pơm yoch, lu bơngai mă chă pơlôch đe, lu bơngai mă pơlôch mĕ 'bă kơdih,

Ya 5:12

Ơ 'nhŏng oh, mă loi inh wă pơkă kơ iĕm tơdrong âu kăl dêh: Tơdrong kiơ iĕm pơkă kơ đe wă kơ đe băt kơ iĕm gô pơm, iĕm 'nĕ pă pơkă pao anăn 'Bok Kei-Dei, anăn plĕnh, anăn teh, dah anăn kiơ kiơ nai; iĕm wă pơkă kơ đe tơdrong kiơ, iĕm athei pơkă mă tơpăt hăm 'bơ̆r hoh đĕch. Thoi noh 'Bok Kei-Dei huay kơ hil kơ iĕm.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.

Jôsuê 9:20

'Nâu lu bơ̆n athei pơm kơ lu sư thoi âu: Ăn kơ lu sư oei arih, lei Kră Yang huay kơ hil mĭl kơ bơ̆n. Yua kơ lu bơ̆n đei pơkă pơkăm hăm lu sư boih.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.