Sa 4:2 - Sơ̆p Hlabơar Nơ̆r 'Bok Kei-Dei

² Sư khan kơ inh: “Ih 'bôh kiơ?” Inh tơl: “To inh 'bôh boih minh pôm jơ̆ng ŭnh kơđeng pơm păng maih ngăl păng đei minh hlak pơnhan chhĕr kơpal sư, đei tơpơh tŏ pla ŭnh kơđeng, đei tơpơh tŏ đing kơ rim kơpal ŭnh kơđeng noh.

Sa 4:2 Iomraidhean Croise

I Ho 28:15

Kŏng ăn dôm yơ maih wă pơm lu jơ̆ng ŭnh kơđeng păng akâu kơđeng, kŏng ăn maih kơ rim jơ̆ng ŭnh kơđeng păng akâu sư. Kŏng ăn dôm yơ hu wă pơm jơ̆ng păng akâu ŭnh kơđeng; kŏng ăn tôm kơ wă pơm jơ̆ng păng akâu ŭnh kơđeng păng hu.

II Ho 13:11

Rim pơgê hrôih păng kơsơ̆ lu sư soh pơyơ̆r tơmam soi 'buh păng pơgang 'bâu phu ăn kơ Kră Yang; lu sư kư̆m dan 'bĕng 'lơ̆ng rơgoh kơpal gơ'bang rơgoh păng kư̆m tơ̆k ŭnh kơđeng tơ rim jơ̆ng kơđeng maih wă kơ sư khơ̆ng kiơ̆ kơmăng. Lu nhôn pơm kiơ̆ nơ̆r Kră Yang 'Bok Kei-Dei lu bơ̆n bơtho khan, gah lu iĕm achăng lê̆ Sư boih.

II Ho 4:7

Sư pơm mơjĭt tŏ jơ̆ng kơđeng hăm maih kiơ̆ kơ đei pơkă; na tah sư tơ lăm hnam akŭm, pơđăm tŏ gah gơal, pơđăm tŏ gah yă-nơ̆m.

Bôk Bơthô 12:6

Adrol kơ tơlei hu tơdrong arih kơtĕch, adrol kơ pơnhan maih pơchah, adrol kơ bô̆i đak pơchah tơ cheng đak glung, adrol kơ tang-wang jơ̆ng gre tơgơ̆ rơkhai 'bơ̆t đak hơlŭng.

Je 24:3

Kră Yang jet inh: “Ơ Jêrêmi, ih 'bôh kiơ?” Inh tơl: “Inh 'bôh plei 'long hơra, lu plei hơra 'lơ̆ng, 'lơ̆ng dêh, lu plei kơnê̆, kơnê̆ tơpă, plei kơnê̆ noh đĭ mah pă gơh sa.”

Je 52:19

Nêbusar Adan yŏng linh kư̆m iŏk lu pơnhan mong pham wă tơtreh, chhĕr dan ngar, kơthao, gŏ, chhĕr dan tơmam 'bâu phu, gơhnŏk wă huch sa tơmam pơyơ̆r, đĭ-đăng tơmam noh đe pơm păng maih rơgoh păng hu rơgoh.

Am 7:8

Kră Yang khan kơ inh dơ̆ng: Ơ Amôs ih 'bôh kiơ? Inh khan: Minh dăng tơlei pơtŏ, na Kră Yang khan: 'Nâu Inh gô dăng tơlei pơtŏ hơgăt lăm kon pơlei Isơrael Inh. Inh ưh pă 'mêm kơ sư dơ̆ng.

Sa 5:2

Sư khan kơ inh: “Ih 'bôh kiơ?” Inh tơl sư: “Inh 'bôh đei sơ̆p hla bơar akar oei đông, să tor sư 'bar-jĭt plaih, wơ̆l sư mơjĭt plaih.”

Tơdrông Tơ'bôh 1:12

Na inh hue lăng tơ rŏng wă kơ băt bu pơma kơ inh noh hei. Lăp inh hue lăng inh 'bôh tơpơh tŏ jơ̆ng kơđeng maih.

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.