Sa 4:10 - Sơ̆p Hlabơar Nơ̆r 'Bok Kei-Dei

¹⁰ Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Sa 4:10 Iomraidhean Croise

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 8:7

Dang ei ih oei iĕ, dôm tơmam ih đei sơ̆ oei tŏ sĕt, mă-lei ning-mônh ih gô mơdrŏng tih tơpă.

Horiso 33:14

Sư lăng đơ̆ng anih Sư oei. Tơ đĭ-đăng bơngai oei lăm teh đak,

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Êsai 66:11

Wă kơ lu iĕm gô chơt hiôk lăm tơdrong ư-ang Sư thoi kon hơ'lơ̆p phĭ hrăp rơkah rơkai đơ̆ng mŏm toh mĕ sư.”

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Êsêkiên 1:14

Lu kon sem arih noh năm wơ̆t wih rŏng anăp thoi kơmlat.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

Am 7:5

Na inh khan: Ơ Kră Yang, inh apinh Ih pơdơh bĕ, liơ Jakôp oei kĕ dơ̆ng, yua kơ tŏ sĕt păng tơrăn dêh. Kră Yang tơplih đon.

Hagai 2:3

‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’

Sa 3:9

'Nâu, tơmo mă inh đei dan 'bơ̆t anăp Jôsua noh minh kơtuăl tơmo mă-lei tơpơh tŏ măt. 'Nâu, Inh gô chrek chư tơ noh păng inh gô iŏk hŭt lê̆ tơdrong yoch đơ̆ng teh âu lăm minh năr.’ ” Kră Yang Tih Hloh khan thoi noh:

Sa 9:1

Nơ̆r Kră Yang hil kơ char Hadrak, sư gô oei tơ pơlei Đamas. Yua kơ măt bơngai Isơrael păng đĭ-đăng kon bơngai tă kơ lăng tơ Kră Yang ngăl.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Tơdrông Tơ'bôh 5:6

Inh kơtơ̆ng sư pơma thoi noh na inh chă lăng 'bôh minh pôm Kon Triu oei jê̆ tang-dŏ 'Bok Pơtao, tŏk-bŏk puăn anăn lu sem brem noh păng tŏk-bŏk 'bar-jĭt puăn 'nu lu đe kră. Na Kon Triu ei Sư iung dang dơ̆ng, inh 'bôh rơka Sư đêl đe 'bet pơlôch sơ̆. Kon Triu ei đei tơpơh tŏ ake, tơpơh tŏ măt, 'noh wă kơ đe băt kơ 'Bok Kei-Dei ăn Yang Bơhngol 'Lơ̆ng Sư nơnăm jơ̆p-jang kơ teh đak.

Tơdrông Tơ'bôh 8:2

Klaih kơ noh inh 'bôh tơpơh 'nu linh jang 'lơ̆ng mă juăt kơ dơ̆ng 'bơ̆t anăp 'Bok Kei-Dei, na lu sư dơ̆ng. Đe đei ăn kơ lu sư tơpơh tŏ keng.