Sa 3:7 - Sơ̆p Hlabơar Nơ̆r 'Bok Kei-Dei

⁷ “Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Sa 3:7 Iomraidhean Croise

Bl 26:5

yua kơ Abraham chu boih nơ̆r Inh păng wei răk dôm nơ̆r Inh bơtho pơkă păng khôi juăt Inh.”

I Pot 2:3

Păng athei wei răk dôm nơ̆r Kră Yang 'Bok Kei-Dei đei pơkă, wă kơ ih pơm kiơ̆, yak năm rok trong Sư, wei răk dôm tơdrong juăt Sư păng dôm nơ̆r Sư tơtă, păng dôm nơ̆r Sư bơtho, thoi đei chih boih lăm tơdrong juăt Môis, wă kơ dôm tơdrong ih jang kiơ, pơm kiơ, dah năm tơ yơ gô hiôk jơnap

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Ho 23:32

Thoi noh bơngai Lêwi lu sư kư̆m hiơ̆k wei-lăng bơsŭn anih akŭm păng anih rơgoh, pơm kiơ̆ kơ kon sâu Arôn, 'nhŏng oh lu sư, wă bơ̆jang lăm hnam Kră Yang.

Êsai 62:9

Mă-lei lu bơngai yuă kĕch 'ba mi bơih lu sư gô đei sŏng sa 'ba mi noh, păng hơri bơnê ư-ang kơ Kră Yang, păng lu bơngai phĕ plei hơmu gô huch sik hơmu sư tơ lăm cham hnam 'lơ̆ng rơgoh Inh.”

Êsêkiên 44:8

Lu iĕm ưh kơ hiơ̆k bơ̆jang wei tơmam 'lơ̆ng rơgoh Inh; lu iĕm pôk bơngai nai bơ̆jang tơdrong noh lăm anih 'lơ̆ng rơgoh Inh tơplih kơ lu iĕm.

Êsêkiên 48:11

Teh 'nâu ăn kơ lu 'bok soi klah lê̆, 'lơ̆ng rơgoh ăn kơ lu adrĕch Sađŏk, lu bơngai mă jang tơnăp bơ̆jang kơ Inh, ưh kơ đei tơklah weh đơ̆ng inh thoi lu adrĕch Lêwi đei tơklah, kơplah lu adrĕch adrung Isơrael weh tơklah đơ̆ng inh.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Lêwi 8:35

Thoi noh iĕm athei oei kơtă tơ 'măng Bơsŭn Anih Akŭm măng păng 'năr, kơtĕch lăm tơpơh năr, pơm thoi Kră Yang đei pơkă boih kơnh hli kơ lu iĕm lôch, yua kơ Sư đei tơtă kơ inh thoi noh.

Sa 3:6

Linh jang Kră Yang tơtă kơ Jôsua thoi âu:

Sa 4:14

Sư khan thoi âu: “Noh wă khan đei 'bar 'nu chu tuh đak rơmă, dơ̆ng cheng 'bơ̆t Kră Yang mă Yang kơ đĭ-đăng teh đak.”

Sa 6:15

Lu bơngai đơ̆ng ataih năm păng tơgŭm pơjing pơdơ̆ng hnam Kră Yang; păng ih gô băt Kră Yang Tih hloh wơh boih inh năm tơ âu. Tơdah ih chơgăm pơnam pơm kiơ̆ nơ̆r Kră Yang 'Bok Kei-Dei ih, na tơdrong noh gô truh.

Sa 6:5

Linh jang khan dơ̆ng kơ inh: “Noh kiala đơ̆ng plĕnh, lĕch đơ̆ng lăm anih lu sư 'bơ̆t anăp Kră Yang mă Kră Yang kơ đĭ-đăng teh đak.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Luka 22:30

Iĕm gô sŏng sa hơdai păng Inh kơplah Inh pơgơ̆r ning-mônh păng iĕm kư̆m pơm pơtao sek tơlang kơ mơjĭt-'bar khŭl bơngai Isơrael.

Yo 14:2

Tơ hnam 'Bă Inh đei lơ anih oei tơpă. Dah ưh kơ đei Inh kư̆m khan ưh kơ đei mơ̆n. Na dang ei Inh wă năm hơmet kơ iĕm anih.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.