Sa 3:4 - Sơ̆p Hlabơar Nơ̆r 'Bok Kei-Dei

⁴ Linh jang khan kơ lu bơngai mă oei 'bơ̆t anăp sư thoi âu: “Plôh bĕ ao mơgrĭ noh đơ̆ng akâu sư.” Păng khan đơ̆ng kơ Jôsua thoi âu: “Lăng bĕ, Inh hŭt lê̆ boih tơdrong yoch kơnê̆ đơ̆ng ih.”

Sa 3:4 Iomraidhean Croise

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

Horiso 51:9

Ôn muh măt Ih 'nĕ pă lăng tơdrong yoch inh, Păng sut rơgoh đĭ yoch kơnê̆ inh.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 52:33

Thoi noh Jêhôiachin plôh lê̆ ao bơnă sư, kơplah sư oei arih sư sŏng sa hơdai ling-lang hăm pơtao.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 42:14

Mưh lu 'bok soi hlôi mơ̆t tơ anih rơgoh boih, lu sư ưh kơ gơh lĕch đơ̆ng anih rơgoh noh na năm tơ cham 'nguaih, mă-lei athei plôh lê̆ ao 'bok soi mă lu sư hrŭk wă soi kơ Kră Yang yua kơ lu hơbĕn ao noh 'lơ̆ng rơgoh; lu sư athei iŏk hrŭk ao nai, na lu sư gơh lĕch tơ 'nguaih anih mă 'măn kơ lu kon pơlei.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Mi 7:19

Sư kư̆m gô oei 'mêm mơnat kơ bơ̆n, kơtĭt lê̆ tơdrong yoch kơnê̆ lu nhôn tơ ala jơ̆ng Ih; păng klơ̆m hŭt lê̆ tơdrong yoch lu nhôn, tơ lăm đak dơsĭ jrŭ sŭng.

Sa 3:1

Đơ̆ng noh, Kră Yang ăn kơ inh 'bôh 'bok soi tơm Jôsua oei dơ̆ng 'bơ̆t anăp linh jang Kră Yang păng Satana oei gah 'ma kơ sư wă kêng sư.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Sa 3:9

'Nâu, tơmo mă inh đei dan 'bơ̆t anăp Jôsua noh minh kơtuăl tơmo mă-lei tơpơh tŏ măt. 'Nâu, Inh gô chrek chư tơ noh păng inh gô iŏk hŭt lê̆ tơdrong yoch đơ̆ng teh âu lăm minh năr.’ ” Kră Yang Tih Hloh khan thoi noh:

Mathiơ 22:11

“'Bok pơtao mơ̆t chă lăng lu bơngai sŏng sa, sư 'bôh minh 'nu bơngai ưh kơ hrŭk tơplih hơbĕn ao 'nao.

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Kôlôsê 3:10

Bơ̆n jing bơngai 'nao boih, 'Bok Kei-Dei pơjing bơ̆n 'nao hơbŏ thoi Sư, ăn kơ bơ̆n rai đunh rai hơgei hlôh tôm tơdrong Sư.

Hêbrơ 8:12

Inh gô mơnat kơ tơdrong yoch lu sư đêl pơm, Inh ưh pă tơchĕng boih kơ dôm tơdrong kơnê̆ noh.”

Tơdrông Tơ'bôh 5:11

Đơ̆ng noh inh 'bôh dơ̆ng tăp dăr kơ tang-dŏ 'Bok Pơtao păng tăp dăr puăn anăn hăm 'bar-jĭt puăn 'nu lu đe kră ei, inh 'bôh lơlang lơlap ưh kơ băt dôm yơ rơbâu hơngan trĭu 'nu lu linh jang 'lơ̆ng.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.