Sa 2:4 - Sơ̆p Hlabơar Nơ̆r 'Bok Kei-Dei

⁴ Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Sa 2:4 Iomraidhean Croise

Esther 9:19

Yua kơ noh lu bơngai Juđa oei lăm pơlei iĕ, iŏk năr mơjĭt-puăn khei Adar pơih minh năr pơm sŏng sa tih chơt hiôk 'blŏk hơdơ̆r pơm năr giĕng pơdơh, lăm năr noh lu sư gơih băl tơmam lăng jơ̆ng ti tơduă lu sư.

Êsai 33:20

Lăng bĕ tơ Siôn jơ̆ pơlei tih lu bơ̆n pơm giĕng tih. Măt ih gô 'bôh pơlei Jêrusalem, jơ̆ anih hiôk hơđơ̆ng, jơ̆ anih oei ưh kơ đei layơ pôk tơplih tơ nai dơ̆ng, lu 'long pơ̆ng, ưh kơ đei layơ toh lê̆ ôh, kư̆m ưh kơ đei tơlei minh dăng ayơ kơtĕch mơ̆n!

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Êsai 49:20

Lu kon hơ'lơ̆p tơpŭ lăm kơplah chăl pơmat-tat, gô pơma lăm đon ih khan: Bri teh âu hrăt-hrot dêh kơ bơ̆n: Rĭ asong kơ nhôn wă oei mă să bĕ.

Êsai 54:16

'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Je 1:6

Inh tơl: “Ơ Kră Yang! Inh ưh kơ băt wă pơma kiơ, yua kơ inh oei 'lơ̆p.

Je 31:24

Lăm char Juđa păng đĭ-đăng lu pơlei lu sư oei hơdai tơ noh, lu bơngai bơ̆jang mir 'ba hăm lu bơngai wei triu.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

Je 33:22

Inh gô ăn kơ adrĕch Đawit, đĭch đam Inh păng ăn kơ lu bơngai Lêwi jang kơ Inh, Inh gô ăn kơ adrĕch adrung sư lơ thoi sơnglŏng kơpal plĕnh, thoi chuơh cheng đak dơsĭ ưh kơ đei bu kĕ jô̆.”

Êsêkiên 38:11

Ih khan: “Inh gô năm truh tơ tơring pơlei mă ưh kơ đei dur; inh gô blah kon pơlei mă oei arih sa hiôk-hian; đĭ-đăng lu sư oei lăm pơlei mă ưh kơ đei kơđông, ưh kơ đei kơ dur păng ưh kơ đei măng jang.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Mi 7:11

Gô đei lăm năr ei kơnh dur iĕm đe gô man pơdơ̆ng ming, lăm năr noh tơdrong pơkă khan gô pơih rai să.

Sa 1:16

Thoi noh Kră Yang khan thoi âu: ‘Inh iŏk jơhngơ̆m 'mêm mơnat dơ̆ng kơ Jêrusalem; Inh gô man pơdơ̆ng hnam Inh dơ̆ng tơ lăm sư, tơlei đak mơ̆k pơtŏ gô dăng tơ pơlei Jêrusalem.’ Kră Yang khan thoi noh.

Sa 1:17

Ôr ră roi pă minh 'măng dơ̆ng bĕ thoi âu: ‘Lu pơlei tih Inh gô oei đei 'bĕnh kơ tơdrong hiôk jơnap, Kră Yang kư̆m oei pơlung Siôn păng oei rơih iŏk Jêrusalem.’ ”

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Sa 14:12

Đơ̆ng noh, 'nâu mă Kră Yang wă phak lu bơngai mă tơblah hăm Jêrusalem: Sư pơm ăn kơ jơ̆ng rim 'nu lu sư bluch kơplah lu sư oei dang dơ̆ng, klong măt lu sư gô ôm lăm măt, đơ̆ng noh hơpiĕt lu sư gô ôm lăm 'bơ̆r lu sư.

I Tim 4:12

Ih 'nĕ ăn kơ đe pơjăm ih khan ih oei moh đĕch ưh kơ gơh bơtho đe. Lăm ih wă pơma dah ih wă jang ih athei pơm 'lơ̆ng tơpăt wă kơ lu bôl buăl bơngai lui 'bôh ih na lu sư pơm kiơ̆ thoi ih. Ih athei 'mêm kơ 'Bok Kei-Dei păng 'mêm kơ bôl buăl. Ih athei lui mă kơjăp păng pơm jơhngơ̆m mă 'lơ̆ng tơpăt, wă kơ lu bơngai lui gơh lui kiơ̆ thoi ih mơ̆n.