Sa 2:13 - Sơ̆p Hlabơar Nơ̆r 'Bok Kei-Dei

¹³ Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Sa 2:13 Iomraidhean Croise

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

Horiso 11:4

Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 41:1

Ơ lu bŏl đak dơsĭ oei hreh bĕ 'bơ̆t anăp Inh, wă kơ lu teh đak iŏk jơhngơ̆m pran 'nao lê̆ lu sư năm jê̆ Inh na pơma: Bĕ lu bơ̆n akŭm hơdai wă sek tơlang!

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 57:5

Lu iĕm tơhưch băl 'bơ̆t tơm 'long kôih. Ala kơ yơ̆p hơmŭl 'long hơdrih; pơlôch kon sâu pơm tơmam soi tơ lăm thŭng thong, tơ lăm trôm tơmo tih.

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Je 25:30

“Gah ih, roi tơbăt lê̆ bĕ dôm nơ̆r wă blah lu sư âu păng khan: ‘Kră Yang gô ôr tơkĕch đơ̆ng anih tơ kơpal; đơ̆ng anih 'lơ̆ng rơgoh Sư, sư gô ôr kơtang wă pơm kơ teh Sư, ôr jreo tơkĕch thoi đe pơjuă plei hơmu, Sư blah pơm kơ đĭ-đăng kon bơngai oei kơpal teh đak âu.

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.

Sa 6:15

Lu bơngai đơ̆ng ataih năm păng tơgŭm pơjing pơdơ̆ng hnam Kră Yang; păng ih gô băt Kră Yang Tih hloh wơh boih inh năm tơ âu. Tơdah ih chơgăm pơnam pơm kiơ̆ nơ̆r Kră Yang 'Bok Kei-Dei ih, na tơdrong noh gô truh.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”

Both 18:21

Lu iĕm pơma lăm jơhngơ̆m khan: Liơ lu nhôn gơh băt kơnăl nơ̆r ayơ mă đơ̆ng Kră Yang bơtho khan?

Both 18:22

Tơdah bơngai khan lê̆ adrol yua anăn Kră Yang na pơma, nơ̆r pơma bơngai noh ưh kơ đei truh păng ưh kơ đei pơsĭt 'blep trŏ, noh ưh kơ nơ̆r Kră Yang mă bơtho khan, bơngai khan lê̆ adrol pơma lĕch đơ̆ng tơdrong sư pơang. 'Nĕ hli kơ sư ôh.

Both 26:15

Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.