Sa 14:4 - Sơ̆p Hlabơar Nơ̆r 'Bok Kei-Dei

⁴ Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Sa 14:4 Iomraidhean Croise

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

Êsêkiên 11:23

Tơdrong ư-ang rang mơnhal Kră Yang tŏk tơ kơpal đơ̆ng lăm pơlei tih păng dơ̆ng 'bơ̆t kơpal kông gah hơlĕch kơ pơlei.

Êsêkiên 38:20

'Bơ̆t anăp Inh, lu ka đak dơsĭ, sem păr kơpal plĕnh, kon sem bri, đĭ lu hơdrông kơep lep-ler mơmŏ kơpal teh păng lu kon bơngai kơpal teh gô hli tơtơ̆, lu kông hơlih, lu dur tơmo gô pơchah, đĭ-đăng lu anih kơjăp gô hơlih đĭ tơ teh.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Habakuk 3:6

Sư iung pơtŏ teh; Sư lăng đĕch pơm kơ lu kon pơlei tơklah tơklang; Lu kông mă oei oei kư̆m hĕch đĭ. Rim lu groi kông oei ling-lang gô drap kơkuh. Dôm lu trong Sư oei oei ling-lang thoi so.

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.

Sa 14:7

Noh jing minh năr Kră Yang đĕch băt; ưh kơ sĭ kơ'năr dah kơmăng, mă-lei dah kơsơ̆ truh boih gô đei hơdah.

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Markôs 11:23

Inh roi kơ iĕm tơpăt, dah bơ̆n wă sơkat kơ kông âu gơh mơ̆n. Bơ̆n khan thoi âu: ‘Weh bĕ e, hiŏng kơtah kơdih tơ đak dơsĭ to.’ Dah bơ̆n lui kơ kông âu gô hiŏng kơtah kơdih tơpă 'nĕ kơ ngĭl ngŭl, lei bơ̆n gô 'bôh tơpă.