Sa 13:2 - Sơ̆p Hlabơar Nơ̆r 'Bok Kei-Dei

² Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Sa 13:2 Iomraidhean Croise

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

Horiso 16:4

Tơdrong ơh sơ'ngon lu bơngai pơyơ̆r kiơ̆ yang nai gô rai dêh. Inh ưh kơ pơyơ̆r ôh, pham tơmam soi kơ lu sư.

Le 22:13

Tơdah sem dơrong 'noh sem bri rôp châu sa, bơngai rong athei anhăk ba tơ'bôh wă kơ băt, lei ưh kơ duh.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Êsai 2:18

Lu rup yang gô hiong đĭ.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Je 29:23

yua kơ lu sư đei pơm yoch bơlŭk kơnê̆ boih lăm lu bơngai Isơrael, pơm yoch ngôi pơyô kư̆ kă hăm akăn lu bơngai rông 'bôt sư kơdih păng pơma hơlĕnh mă Inh ưh kơ đei athei lu sư. Inh băt păng pơm kơdranh kơ tơdrong noh. Noh Kră Yang khan.

Êsêkiên 12:24

Tơpă ưh pă đei tơdrong tơ'bôh hơlĕnh, dah tơdrong tơwir ayơ mă đei dơ̆ng lăm adrĕch Isơrael.

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Êsêkiên 30:13

Kră Yang khan: “Inh gô pơrăm lu rup yang păng pơrăm pơđĭ pơgoh lu rup yang đơ̆ng pơlei Nôp. Lăm char Êyiptơ ưh pă đei yŏng pơgơ̆r dơ̆ng; Inh gô ăn tơdrong hli krưp kơ lu bơngai lăm char Êyiptơ.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 36:29

Inh gô dŏng pơklaih lu iĕm đơ̆ng tơdrong kơnê̆ 'mê̆-'mach; Inh gô ăn kơ 'ba mi jing 'lơ̆ng kơchar rai lơ păng ưh pă ăn kơ lu iĕm pơngot rơwĕt.

Êsêkiên 37:23

Lu sư ưh pă pơm 'mê̆ akâu kơkuh kơ rup yang, lu tơdrong kơnê̆ krưp păng dôm tơdrong yoch glăi. Inh gô dŏng pơklaih lu sư đơ̆ng tơdrong pơ̆k huŏng, mă lu sư hlôi pơm. Inh gô ôp hơrao lu sư, lu sư jing kon pơlei pơla Inh, Inh jing Kră Yang 'Bok Kei-Dei lu sư.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Êsêkiên 6:6

Mă anih ayơ lu iĕm oei, mă pơlei lu iĕm oei kư̆m gô pơrăm, lu anih kơjung lu iĕm juăt kơkuh gô păk. Chơnang soi kư̆m gô pơrăm pă đei, rup yang lu iĕm kư̆m teh pơchah ưh pă đei, gơ̆ng lu iĕm kơkuh kơ rup yang măt 'năr pơchah hơlih, dôm tơdrong jang lu iĕm pơm gô răm đĭ.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Hôsia 2:17

Yua kơ Inh gô iŏk lê̆ yang Baal đơ̆ng 'bơ̆r sư; wă kơ ưh pă đei bu 'blŏk krao anăn Baal dơ̆ng.

Hôsia 2:19

Inh gô oei kơ ih ling-lang hlŏng hloi; Inh gô tơ'bôh kơ ih tơdrong tơpăt sĭt trŏ 'blep iơ̆m dim păng 'mêm mơnat.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Mathiơ 12:43

“Pơtih gia yang kơnê̆ lĕch đơ̆ng akâu bơngai, năm tơ char glă, sư chă anih pơdơh ră, sư chă ưh kơ đei.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Luka 11:20

Mă tơpă đơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Both 12:3

Lu iĕm athei pơrăm chơnang soi teh pơchah lu rup yang tơmo păng soh lu jrăng Asêrim lu sư lăm ŭnh păng teh pơhĕch lu rup man yang lu sư păng sŭt lê̆ đĭ anăn lu rup yang noh lăm anih noh.

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.