Sa 11:5 - Sơ̆p Hlabơar Nơ̆r 'Bok Kei-Dei

⁵ lu bơngai răt triu pơlôch đĭ triu pơm 'nhĕm huay kơ jô̆ khan pơm yoch. Lu bơngai mă tĕch lu sư khan: Kră Yang trŏ kơ ư-ang, yua kơ inh mơdrŏng bơih; păng lăm lu bơngai wei triu ưh kơ đei minh 'nu bơngai bu mă 'mêm kơ lu triu.”

Sa 11:5 Iomraidhean Croise

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Je 50:7

Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Êsêkiên 34:21

Lu iĕm yua kơiĕng păng hơngiĕng na tŭn, iŏk hơke tơ̆m lu triu tơrăn dĭng mah lu sư jing tơklah tơklang.

Êsêkiên 34:6

Lu triu Inh tơklah jơ̆p kơ kông kŏ păng groi kơjung. Lu triu Inh tơklah tơklang jơ̆p-jang kơ lăm teh đak, ưh kơ đei bu 'moi ưh kơ đei bu chơchă.

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Hôsia 12:9

Mă-lei Inh boih Kră Yang 'Bok Kei-Dei lu iĕm đơ̆ng năr iĕm lĕch đơ̆ng dêh char Êyiptơ; Inh gô ăn kơ lu iĕm oei tơ lăm bơsŭn dơ̆ng kư̆m thoi lăm năr pơm hơmet sŏng sa tih sơ̆.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Yo 10:1

Yêsu oei pơma kơ lu sư thoi âu: “Inh khan kơ iĕm tơpăt tơpă, bơngai bu mơ̆t tơ hơdrong triu mă ưh kơ mơ̆t trong 'măng tơm, na hao trong war, bơngai 'noh sư chă tơtông.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Tơdrông Tơ'bôh 18:13

bơ̆n kơđoh 'long kuê̆, bơ̆n tơmam 'bâu phu wă pơm kơ tơmam sa, bơ̆n kơđoh 'long tơ'băr đe pơm ŭnh nhang, bơ̆n gơhlâu 'bâu phu; bơ̆n sik, đak rơmă, tơpŭng đe pơm 'bĕng mi, bơ̆n 'ba sa; lu sem dơrong, thoi kơ rơmo, triu, aseh, akâu gre aseh; lu bơngai đĭch đe kư̆m đei tĕch mơ̆n, dang đe tĕch bơhngol kon bơngai.

Tơdrông Tơ'bôh 3:17

Păng iĕm pơang kơ đe khan iĕm mơdrŏng kơ nơ̆r 'Bok Kei-Dei boih, huay pă kăl kơ tơdrong kiơ dơ̆ng. Iĕm ưh kơ băt kơdih, iĕm bơngai pơmat-tat, bơngai răm-'băm, bơngai dơnuh hin, bơngai măt tol, ưh kơ mah hơbĕn ao hrŭk.