Sa 11:2 - Sơ̆p Hlabơar Nơ̆r 'Bok Kei-Dei

² Ơ 'long hơngo krao ôr bĕ! Yua kơ tơm 'long dơnơ̆ng păk boih, dôm lu tơnơm 'long 'lơ̆ng pơrăm đĭ boih. Ơ tơm 'long kôih tơ Basan, ôr krao bĕ, yua kơ lu bri kơdrơ̆ng kăl đĭ boih.

Sa 11:2 Iomraidhean Croise

Êsêkiên 20:46

Ơ kon bơngai, lăng bĕ muh măt tơ gah gơal, bơtho khan blah bĕ char gah gơal păng khan lê̆ adrol wă blah lu bri kơdrơ̆ng lăm char gah gơal.

Êsêkiên 27:6

iŏk 'long kôih đơ̆ng char 'Basan pơm 'long huơ̆r iŏk 'long hơngo hmă đơ̆ng bŏl dơsĭ Kitim lơ̆k hơnă, lom hăm bơla rôih.

Êsêkiên 31:17

Lu sư kư̆m huŏng tơ dơnâu ŭnh hơdai hăm sư, hơdai hăm lu bơngai lôch kơ đao gưm lu bơngai tơpôl akŭm băl lăm dêh char lu sư ngôi ala yơ̆p sư.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Sa 11:1

Ơ Liban, pơih bĕ 'măng, wă kơ ŭnh sa pơđĭ 'long dơnơ̆ng ih!

Sa 11:3

Đei nơ̆r ôr nhơ̆m hmoi lu bơngai wei triu! Yua kơ pơrăm đĭ boih tơdrong ư-ang lu sư; đei lu kon dăm-brang grĕnh ôr! Yua kơ tơdrong 'lơ̆ng rŏ Jôrđăn răm đĭ boih.

Luka 23:31

Dah đe pơm kơnê̆ dang âu kơ Inh bơngai mă ưh kơ pơm yoch yua kơ Inh thoi lĕ kơ 'long adrih đĕch, bĭ đe gô pơm dang yơ kơ lu bơngai pơm yoch, yua kơ lu sư thoi lĕ kơ 'long ŭnh kro, ŭnh 'bônh kơ sa tơpă?”