Sa 10:9 - Sơ̆p Hlabơar Nơ̆r 'Bok Kei-Dei

⁹ Inh gô săi tơraih lu sư tơ jơ̆p-jang kơ teh đak, lu sư mă đơ̆ng dêh char ataih gô 'blŏk kơ Inh; lu sư gô oei arih hơdai brŏk tơ kon akăn kơdih.

Sa 10:9 Iomraidhean Croise

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Esther 8:17

Lăm rim tơring, rim pơlei, anih ayơ mă đei iŏk hla bơar pơkă đơ̆ng pơtao truh tơ tơring noh đei tơdrong chơt hiôk chhôk hơiă kơ adrĕch adrung Juđa, minh năr et sa chơt hiôk. Đei lơ lu bơngai lăm adrĕch char đe nai kư̆m khan kơ lu sư bơngai Juđa yua kơ lu sư hli dêh kơ bơngai Juđa pơm kơ lu sư.

Êsai 44:21

“Ơ Jakôp, 'blŏk bĕ lu tơdrong 'nâu yua kơ iĕm jơ̆ đam Inh. Ơ Isơrael Inh bơih pơjing iĕm, iĕm đam Inh Ơ Isơrael Inh ưh kơ hiơt kơ iĕm ôh.

Êsai 64:4

Đơ̆ng sơ̆ đe ưh tam mă băt, đon ưh tam mă kơtơ̆ng, măt ưh tam mă 'bôh Kră Yang nai 'nguaih kơ Sư. Tơ'ngla mă đei pơm ăn bơih kơ lu bơngai mă chang gô Sư noh.

Êsai 65:23

Lu sư gô Jang ưh kơ đei gleh hrat kư̆ kă kư̆m ưh kơ đei tơpŭ kon hơ'lơ̆p, wă lê̆ kơ tơdrong truh pơrăm yua kơ adrĕch adrung đei Kră Yang tuh tơdrong pŭn hiôk hơdai hăm kon sâu lu sư.

Êsai 65:9

Inh gô ăn đei kon sâu lĕch đơ̆ng Jakôp, păng minh 'nu đơ̆ng Juđa gơh đei iŏk lu kông Inh; Lu bơngai mă Inh rơih iŏk gô đei dêh char noh, lu đĭch đam Inh gô oei tơ noh.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

Je 51:50

Lu iĕm klaih boih đơ̆ng đao gưm, kơdâu bĕ, 'nĕ pă dơ̆ng! 'Blŏk bĕ kơ Kră Yang đơ̆ng dêh char ataih, tơchĕng 'blŏk bĕ kơ pơlei Jêrusalem lăm kơ̆l 'ngok.

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Hôsia 2:23

Inh gô rei pơtăm lu sư ăn kơ Inh lăm teh đak păng Inh gô 'mêm mơnat kơ lu bơngai âu mă Inh khan: “Lu sư bơngai mă Inh ưh kơ 'mêm mơnat.” Păng kơ lu bơngai mă Inh đei khan: Iĕm ưh kơ sĭ kon pơlei Inh. Inh gô khan: “Iĕm kon pơlei Inh.” Na lu sư gô tơl: “Ih boih Kră Yang 'Bok Kei-Dei nhôn.”

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Jang 8:4

Na lu bơngai jăk đơ̆ng Pơlei Jêrusalem ei, lu sư năm bơtho nơ̆r 'Bok Kei-Dei jơ̆p jơ̆p.

Rom 11:24

Iĕm bơngai nai ưh kơ trŏ khŭl Isơrael, 'Bok Kei-Dei krao iĕm lui kơ Sư dang lĕ kơ dơng 'long tơ bri brah chô̆ pơklop kơ 'long mă đe pơtăm. Mă-lei dah 'Bok Kei-Dei wă iŏk dơng đêl Sư chre hŭt pơklop ming dơ̆ng kư̆m gơh 'bônh hloh dơ̆ng.