Sa 10:4 - Sơ̆p Hlabơar Nơ̆r 'Bok Kei-Dei

⁴ Đơ̆ng lu sư gô đei tơmo mum hnam, đơ̆ng lu sư đei 'long đe pơ̆ng hnam khăn, đơ̆ng lu sư đei hră tơblah, đơ̆ng lu sư gô đei lu kră pơgơ̆r;

Sa 10:4 Iomraidhean Croise

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.

Horiso 118:22

Tơmo mă thơ̆ mam hnam hŭt lê̆, jing tơmo man 'bơ̆t mum hnam

Êsai 19:13

Lu kră pơlei Sôan kơtul ngăl, lu kră pơlei Nôp huŏng lăm tơdrong đe hơlĕnh, lu bơngai pơm kră lăm tơring đơ̆ng adrĕch pha pơm kơ đe Êyiptơ jrok trong.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 49:2

Kră Yang pơm kơ 'bơ̆r inh thoi lĕ kơ đao han; klơ̆p ôn inh hăm yơ̆p kơkŏng ti sư pơm kơ inh thoi 'brơ̆m hră suĕng. Păng ôn lê̆ inh lăm jŏ 'brơ̆m hră Sư.

Êsai 54:16

'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Je 1:18

Âu, năr 'nâu, Inh ăn kơ ih thoi minh pôm pơlei kơjăp, jrăng hăm mam, man dur hăm kong, wă tơblah hăm đĭ-đăng lu dêh char, hăm lu pơtao dêh Juđa, hăm lu 'bok soi, hăm lu kon pơlei pơla.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.

Sa 9:8

Inh gô war bơwei tăp dăr kơ hnam Inh, tơblah hăm lu linh, wă ưh kơ đei bu mơ̆t lĕch. Lu bơngai pơgô̆ đe ưh pă đei pơgô̆ boih, yua kơ dang ei măt Inh lăng bơwei sư.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Mathiơ 9:38

Thoi noh na bơ̆n athei adrin krao khan apinh tơ'ngla tơm mir âu wă wơh lơ bơngai năm tơgŭm kĕch iŏk 'ba âu.”

Luka 20:17

Na Yêsu lăng tơ lu sư păng khan: “Tơdrong iĕm kuă kơ Inh noh trŏ thoi đe chih lăm sơ̆p hla bơar 'Bok Kei-Dei sơ̆ thoi âu: Tơmo mă thơ̆ man hnam hŭt lê̆, Jing tơmo man 'bơ̆t mum hnam

Êphêsô 2:20

Bơ̆n thoi đe pơtăm keh minh pôm hnam. Lu jơ̆ng 'bang Yêsu hăm lu bơngai pơtruh nơ̆r 'Bok Kei-Dei lu sư thoi lu jrăng pơtăm tŏk-bŏk, na Yêsu Sư thoi jrăng mum.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.

I Pet 2:6

Tơdrong noh thoi đe chih nơ̆r 'Bok Kei-Dei tơ lăm sơ̆p hla bơar Sư thoi âu: “Iĕm lăng Inh đei man minh pôm tơmo gĭt tơ Pơlei Siôn wă pơm hnam, tơmo noh gĭt tơpă na Inh iŏk Sư. Bu lui kơ tơmo noh huay kơ hli minh tơdrong kiơ ôh.”

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

I Sam 14:38

Sôl khan: Ơ lu 'bok tih mă wei pơgơ̆r kon pơlei, đĭ-đăng athei năm jê̆ tơ âu, chă lăng tơdrong yoch đei pơm lăm năr 'nâu thoi yơ.