Sa 10:1 - Sơ̆p Hlabơar Nơ̆r 'Bok Kei-Dei

¹ Apinh bĕ đak 'mi đơ̆ng Kră Yang kơplah bơyan 'mi wă tôch, na Kră Yang gô ăn kơmlat păng tơjur đak 'mi rơkah rơkai, wă ăn kơ rim 'nu bơngai đei hla 'nhot sa đơ̆ng mir.

Sa 10:1 Iomraidhean Croise

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Jop 29:23

Lu sư chang gô inh nhen thoi chang gô đak 'mi, Lu sư bơngai ha 'bơ̆r jrŏng đak 'mi klui.

Horiso 104:13

Đơ̆ng anih kơjung Sư, Sư ruh đak tơ lu kông, 'Bĕnh kơ teh đei plei yua, lĕch đơ̆ng tơdrong jang Sư.

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Horiso 65:9

Ih wei-lăng teh păng ruh kơ teh hơiuh. Pơm ăn kơ sư đei mơ̆r; glung Kră Yang 'Bok Kei-Dei 'bĕnh kơ đak. Yua kơ Ih pơjing boih teh, chăt Ih ăn 'ba hơ'bo kơ kon bơngai.

Horiso 72:6

Pơtao gô jur thoi 'mi jruh tơ kơpal mir nhen thoi 'mi tih jruh hơiuh tơ teh.

Tơdrông Pơđơk 16:15

Muh măt pơtao praih hơdah noh ba tơdrong arih, Tơdrong sư mơnat thoi hơmơ̆l 'mi lăm bơyan phang.

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Je 10:13

Mưh Sư ăn grơ̆m, lu tu đak re jơwa lăm plĕnh. Sư ăn tŭk hơyuh đak tŏk đơ̆ng tôch kơ teh đak. Sư ăn kơmlat đơ̆ng lăm hơmơ̆l 'mi, păng kial lĕch đơ̆ng anih hnam Sư.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Je 5:24

Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Je 51:16

Tơdah Sư pơma, đei jơwa lu đak tơ plĕnh pơpơ̆; Sư ăn kơ hơyuh đak tŏk đơ̆ng tôch kơ teh. Sư ăn kơmlat hơdai hăm đak 'mi, tơlĕch kial đơ̆ng lăm anih 'mong sư.

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Am 4:7

Inh kư̆m ưh kơ ăn đak 'mi jur tơ lu iĕm lăm pêng khei adrol kơ bơyan kĕch yuă inh ăn boih 'mi tơ pơlei tih 'nâu mă-lei ưh kơ ăn 'mi tơ pơlei tih nai. Chŭn âu đei 'mi boih, mă-lei mir to ưh kơ đei 'mi na jô kro đĭ.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Yo 16:23

“Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.

Both 28:23

Lu plĕnh tơ kơpal kơ̆l nhen thoi kong, na teh tơ ala jơ̆ng nhen thoi bơsei.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.