Sa 1:8 - Sơ̆p Hlabơar Nơ̆r 'Bok Kei-Dei

⁸ Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Sa 1:8 Iomraidhean Croise

Bl 20:3

Mă-lei kiơ̆ kơmăng, pơtao Abimêlek apo 'bôh Kră Yang 'Bok Kei-Dei khan kơ sư, “âu, ih gô lôch yua kơ bơngai drŏ-kăn mă ih rôp iŏk noh, yua kơ sư đei klo boih.”

Bl 46:2

Lăm măng ei đei kơtơ̆ng Kră Yang 'Bok Kei-Dei khan kơ sư thoi âu: Jakôp, Jakôp! Isơrael tơl: Đei inh tơ âu.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

Ne 8:15

păng wă kơ lu sư athei năm ră roi lăm rim pơlei păng tơ Jêrusalem kơtơ̆ng: Năm bĕ tơ pơlei groi kông gơ̆ ba lu dơng 'long ôliwơ păng 'long ôliwơ bri, lu dơng 'long gơsing păng lu dơng 'long roh, đei hơmŭl hla lơ wă pơm bơsŭn, thoi đei chih boih.

Jop 4:13

Oei tep tơchĕng kơ tơdrong apo 'bôh kơmăng, kơplah tŏk-bŏk măng đĭ-đăng bơngai oei tep hlơ̆k

Hơri Hiôk 2:16

Bơngai mă inh hơyuh jing tơmam inh bơih, Păng inh jing tơmam sư. Sư wei triu sư tơ lăm tŏk-bŏk pơgar pơkao kok jơk.

Hơri Hiôk 6:2

Bơngai mă inh hơyuh jur năm lăng pơgar sư boih. Pơgar pơkao 'bâu phu; Wă pơhiôk jơhngơ̆m sư lăm pơgar, Păng phĕ lu pơkao kok jơk;

Êsai 41:19

Inh gô pơtăm tơ anih bri char glă, lu hơngo, 'long keo, 'long pơgang păng 'long ôliwơ. Inh gô pơtăm 'long hơngo hla iĕ, hơngo hmă, 'long krăk hơdai tơ lăm char glă.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Da 7:2

Thoi noh, Đaniel khan: Kơmăng inh oei tep, inh apo 'bôh, lăm tơdrong tơ'bôh kơ inh thoi âu: Đei puăn tŏ trong kial tơthu bah kơpal đak Dơsĭ Tih.

Sa 1:10

Bơngai mă dơ̆ng tŏk-bŏk lu 'long pơgang noh tơlang: “'Nâu mă lu bơngai Kră Yang wơh năm tơ jơ̆p-jang teh đak.”

Sa 1:11

Lu sư drơ̆ng linh jang mă dơ̆ng tơ tơm 'long pơgang noh thoi âu: “Lu nhôn đei năm jơ̆p boih kơ teh đak, đĭ-đăng jơ̆p-jang kơ teh đak oei hiôk-hian.”

Sa 1:7

Năr 'bar-jĭt puăn khei mơjĭt-mônh, noh khei Sa'bat, lăm sơnăm mă 'bar chăl Đarius, đei Kră Yang tơ'bôh ăn kơ Sachari 'bok khan lê̆ adrol, sư kon drŏ-nglo Bêrekia, sâu Iđô, thoi âu:

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Jôsuê 5:13

Kơplah Jôsuê năm jê̆ pơlei Jêrikô, wă sư ngơk lăng, blư 'bôh hloi minh 'nu bơngai chĕp đao dơ̆ng tơklă 'bơ̆t anăp sư, Jôsuê năm tơ sư păng jet: Ih bơngai gah nhôn dah gah bơngai ayăt kơ nhôn?

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu:

Tơdrông Tơ'bôh 6:2

Na bơngai hao aseh kok ei năm hloi tơ sư chĕp jŏ hră. Đe ăn kơ sư agăl pơkao wă pơtih gia kơ tơdrong sư blah đe jei sư. Na sư năm tơblah. Sư blah đe jei sư tơpă.

Tơdrông Tơ'bôh 6:4

Na bơngai hao aseh 'brê ei năm tơ sư. 'Bok Kei-Dei pơjao ăn kơ bơngai ei pơgơ̆r tơdrong gleh pơmat-tat jơ̆p kơ teh đak, wă kơ kon bơngai pơlôch dih băl. Na đe ăn kơ bơngai hao aseh 'brê ei minh hlak đao tih.