Sa 1:6 - Sơ̆p Hlabơar Nơ̆r 'Bok Kei-Dei

⁶ Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Sa 1:6 Iomraidhean Croise

II Pot 15:12

'Nâu bơih đei 'bôh 'blep thoi nơ̆r Kră Yang khan kơ Jêhu: “Adrĕch ih gô pơgơ̆r lu đe Isơrael dĭng truh kơ jơhnơr mă puăn.” Tơdrong 'nâu đei truh sĭt thoi noh.

Jop 6:29

Inh apinh lu iĕm tơchĕng lăng dơ̆ng, 'nĕ chă jâu kư̆ kă. Apinh lu iĕm lăng hơlen bĕ, inh ưh kơ đei yoch.

Êsai 21:17

Lu bơngai pran kơtang chĕp hră, lăm lu kon drŏ-nglo dêh char Kêdar oei pă tŏ sĕt đĕch.” Kră Yang 'Bok Kei-Dei đe Isơrael đei khan bơih thoi noh.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Je 28:17

Lăm sơnăm noh hloi khei tơpơh, Hanania 'bok khan lê̆ adrol lôch.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 36:28

Iŏk minh sơnôm plơ̆ng dơ̆ng bĕ, chih rok thoi sơnôm hla bơar adrol mă Jêhôiakim pơtao đe Juđa soh boih.

Je 39:16

“Ih năm khan bĕ kơ Êbet Mêlek, bơngai Êthiôpi: Kră Yang Tih Hloh 'Bok Kei-Dei Isơrael, khan: 'Nâu Inh gô pơrăm ưh kơ trŏ ăn pŭn hiôk ôh kơ pơlei âu kiơ̆ thoi nơ̆r Inh đei pơkă boih. Kơplah ei kơnh ih gô 'bôh tơm măt.’ ”

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Je 44:2

Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,

Je 44:28

Gô đei lăp tŏ sĕt bơngai đĕch gơh klaih kơ đao gưm, đơ̆ng dêh char Êyiptơ wih brŏk tơ teh đak Juđa. Kơplah noh đĭ-đăng lu bơngai Juđa mă oei oei mă jur năm oei tơ dêh char Êyiptơ, gô băt nơ̆r pơma bu sĭt, nơ̆r Inh dah nơ̆r lu sư.”

Je 44:29

Kră Yang khan: “'Nâu boih tơdra Inh wă phak iĕm lăm anih 'nâu, wă kơ lu iĕm băt Inh sĭt tơpă gô ăn tơdrong răm truh tơ lu iĕm.”

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Je 5:14

Yua kơ thoi noh Kră Yang 'Bok Kei-Dei Tih Hloh khan: “Yua kơ lu sư pơma tơdrong noh, 'Nâu, Inh gô tah nơ̆r pơma Inh tơ lăm 'bơ̆r thoi ŭnh, kon pơlei âu thoi 'long ŭnh na ŭnh gô sa lu sư.”

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Nhom 3:42

Lu nhôn pơm yoch, pơđâu blah; Ih ưh pă mơnat ăn boih.

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Da 4:28

Đĭ-đăng tơdrong noh tă truh kơ pơtao Nebukatnessar ngăl.

Hôsia 5:9

Char Êphraim jing anih juơ lăm năr đei tơdrong bơtho pơjĭ; tơ adrĕch Isơrael Inh tơbăt tơdrong 'nâu truh sĭt.

Hôsia 9:15

Đĭ-đăng tơdrong kơnê̆, tơdrong yoch lu sư pơdah boih tơ pơlei Gilgal, Inh đei hil kơ lu sư boih. Yua kơ tơdrong kơnê̆ lu sư pơm Inh gô pơpuh lê̆ lu sư đơ̆ng hnam Inh. Inh ưh pă 'mêm kơ lu sư dơ̆ng, đĭ-đăng lu yŏng sư kư̆m gô ayăt kơ Inh.

Am 9:10

Đĭ-đăng dôm lu bơngai yoch lăm kon pơlei inh, lu sư gô lôch kơ đao gưm lu sư khan: Tơdrong kơnê̆ ưh pă jê̆ lu bơ̆n păng ưh pă tam truh tơ lu bơ̆n, na lu sư gô lôch kơ đao gưm.

Sa 1:7

Năr 'bar-jĭt puăn khei mơjĭt-mônh, noh khei Sa'bat, lăm sơnăm mă 'bar chăl Đarius, đei Kră Yang tơ'bôh ăn kơ Sachari 'bok khan lê̆ adrol, sư kon drŏ-nglo Bêrekia, sâu Iđô, thoi âu:

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Jo 33:56

lei Inh gô pơrŭng lu iĕm thoi Inh đei wă pơm kơ lu sư mơ̆n.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Both 28:2

Tơdah iĕm mơ̆ng pơm kiơ̆ nơ̆r Kră Yang 'Bok Kei-Dei iĕm, dôm tơdrong pŭn hiôk gô jur tơ iĕm đei hloi.

Both 28:20

Kră Yang gô pơm kơ iĕm tơ'bơ̆p tơdrong hiap pơtê̆, đei tơdrong răm truh, kơ̆l jrok 'ngok răm ơh blĕk lăm tơdrong jang dĭng iĕm lôch răm đĭ dah iĕm pơm yoch achăng lê̆ Kră Yang.

Both 28:45

Đĭ-đăng dôm lu tơdrong hiap pơtê̆ 'nâu gô truh tơ iĕm druh tam iĕm, dĭng lu iĕm lôch hiong răm đĭ, yua kơ iĕm ưh kơ mơ̆ng kiơ̆ nơ̆r Kră Yang 'Bok Kei-Dei iĕm păng ưh kơ wei răk dôm lu nơ̆r tơtă păng khôi juăt mă Sư ăn boih kơ iĕm.

I Tes 5:4

Mă-lei iĕm lui boih kơ Kră Yang, iĕm huay kơ hli lăm năr noh kơnh ôh, yua kơ iĕm huay pă oei lăm măng mu boih.