Sa 1:21 - Sơ̆p Hlabơar Nơ̆r 'Bok Kei-Dei

²¹ Na inh apinh: “Lu bơngai âu truh wă pơm kiơ?” Sư tơl: “Noh boih lu hơke mă pơm kơ char Juđa pơchah đĭ, dĭng mah pă đei bu pơ̆n ngơk muh măt; mă-lei lu bơngai âu truh boih wă tơhli lu sư păng wă klơ̆m hŭt lê̆ lu hơke đơ̆ng dêh char nai mă đei yua hơke tơblah hăm teh đak Juđa wă pơrăm pơchah lê̆ sư.”

Sa 1:21 Iomraidhean Croise

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

Horiso 83:2

Yua kơ to, lu ayăt kơ Ih iung boih, Păng lu bơngai hil areh kơ Ih ngơk kơ̆l boih.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Sa 1:19

Inh khan hloi kơ linh jang mă oei pơma hăm inh thoi âu: “Lu tơmam noh tơmam kiơ?” Sư tơl inh thoi âu: “Noh boih lu hơke mă đei pơm kơ char Juđa, Isơrael păng Jêrusalem pơchah đĭ.”