Ru 3:7 - Sơ̆p Hlabơar Nơ̆r 'Bok Kei-Dei

⁷ Đang kơ sŏng sa boih 'Bôô jơhngơ̆m sư hiôk dêh, sư năm 'bĭch tep tơ cheng pôi 'ba, Rut năm chơlon hơdar hơdar pơih khăn 'bơ̆t jơ̆ng sư na 'bĭch hloi.

Ru 3:7 Iomraidhean Croise

Bl 43:34

Jôsep athei pôk ăn kơ lu 'nhŏng oh sư tơmam sa dan 'bơ̆t anăp sư. Mă-lei Bênjamin đe ăn tơmam sa lơ hloh kơ lu nai pơđăm wơ̆t. Lu sư sŏng sa 'băt 'lơ̆ng ngôi chơt hơdai hăm Jôsep.

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

I Pot 21:7

Jêsebel akăn sư khan kơ sư: “Dang ei hăm trŏ kơ ih pơgơ̆r lu bơngai Isơrael ưh? Jah iung păng sŏng bĕ, chơt hiôk bĕ, Inh gô ăn kơ ih mir hơmu Nabôt, bơngai Jêsreel.”

Esther 1:10

Truh lăm năr mă tơpơh jơhngơ̆m pơtao hiôk dêh đơ̆ng huch tơdrô na sư pơkă kơ Mêhuman, Bistha, Harbôna, Biktha, Abaktha, Sethar păng Karkas. Tơpơh 'nu linh krĕo bơ̆jang lăm hnam pơtao Asêrus,

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Bôk Bơthô 10:19

Đe pơih et sa wă kơ chơt hiôk; et tơdrô pơthim ăn kơ chăl arih chơt; đei jên kăk gơh răt tôm tơdrong.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Bôk Bơthô 8:15

Inh pơư hloi tơdrong hiôk chơt noh 'lơ̆ng, yua kơ lăm ala teh 'nâu ưh kơ đei tơdrong kiơ 'lơ̆ng hloh kơ kon bơngai bơ̆n sŏng sa, nhă đak păng hiôk chơt; noh boih tơdrong mă apah 'mong ăn kơtơ̆ng tơdrong bơ̆n bơ̆jang arih gleh hrat, đơ̆ng Kră Yang 'Bok Kei-Dei đei ăn kơ bơ̆n tơ ala teh âu.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Lu 16:25

Wă jơhngơ̆m lu sư hiôk chơt, lu sư ôr re khan: Hơtŏk Samsơn tơ âu bĕ, wă kơ sư pơpơm pơchơt kơ lu bơ̆n. Lu sư dui Samsơn lĕch đơ̆ng lăm hnam bơnă, na Samsơn pơpơm pơchơt 'bơ̆t anăp kon pơlei pơla. Lu sư ăn kơ Samsơn dơ̆ng 'bơ̆t tŏk-bŏk lu jrăng hnam đe akŭm.

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Lu 19:6

Thoi noh klo kăn bre sư hơ-oei sŏng sa hơdai, na 'bă bơngai drŏ-kăn noh khan dơ̆ng: Ơ dăm, apinh ih oei tơ âu pă minh măng âu dơ̆ng wă kơ jơhngơ̆m ih hiôk chơt.

Lu 19:9

Lăp bơngai Lêwi, hăm akăn kơnhŏng păng đĭch đam sư wă iung yak, wă tơklah đơ̆ng bơ̆n kră sư, tơnei sư khan dơ̆ng: “Bre kon lăng 'năr kơsơ̆ wă măng boih, inh wă kơ măr iĕm oei 'bĭch ngôi tơ âu pă minh măng âu dơ̆ng. Yua kơ 'năr kơsơ̆ măng boih wă jơhngơ̆m măr iĕm hiôk chơt; pơgê dơning măr iĕm iung dơ̆ng hrôih drôih brŏk.”

Ru 3:6

Đơ̆ng noh sư jur tơ anih preh 'ba păng pơm kiơ̆ dôm tơdrong tơnei sư pơkă kơ sư.

Ru 3:8

Tŏk-bŏk măng 'Bôô kơdrăt plơ̆ akâu sư lăng 'bôh minh 'nu drŏ-kăn 'bĭch 'bơ̆t jơ̆ng sư!