Ru 3:10 - Sơ̆p Hlabơar Nơ̆r 'Bok Kei-Dei

¹⁰ 'Bôô khan, ơ mŏ adruh apinh Kră Yang ăn kơ ih tơdrong pŭn hiôk! Ơ mŏ adruh tơdrong ih pơm 'nâu 'lơ̆ng hloh kơ adrol, yua kơ ih ưh kơ wă kiơ̆ lu tơdăm mơlôh mă sư mơdrŏng dah dơnuh.

Ru 3:10 Iomraidhean Croise

Bl 24:31

Sư khan thoi âu: “Bơngai mă Kră Yang đei ăn pŭn hiôk! Apinh ih mơ̆t bĕ liơ mă oei ngôi tơ 'nguaih thoi noh? Inh đei hơmet anih kơ lu iĕm tep hăm lăk-đa ih boih.”

Ru 1:8

Naômi khan kơ bre mŏ mai sư thoi âu: Năm bĕ măr iĕm wih brŏk tơ hnam mĕ iĕm kơdih. Apinh Kră Yang ăn kơ măr iĕm pŭn hiôk, kư̆m thoi măr iĕm đei pơm 'lơ̆ng kơ inh hăm lu bơngai lôch noh.

Ru 2:11

'Bôô tơl thoi âu: Inh đei kơtơ̆ng đe roi dôm tơdrong ih đei pơm 'lơ̆ng kơ mĕ klo ih đơ̆ng rŏng kơ klo ih lôch păng yua kơ kiơ ih đei achăng lê̆ mĕ 'bă ih, dêh char ih rơneh, mă năm oei tơ anih mă ih ưh kơ băt adrol.

Ru 2:20

Naômi tơl mŏ mai sư thoi âu: Apinh Kră Yang ăn pŭn hiôk kơ sư, yua kơ Kră Yang ưh kơ lê̆ ôh pơm 'lơ̆ng kơ lu bơngai lôch păng lu bơngai oei arih. Naômi khan kơ sư dơ̆ng. 'Bok noh jĭ kơtum bơ̆n jê̆, sư noh gơh huai iŏk mŭk tơmam bơ̆n dơ̆ng.

Ru 2:4

'Bôô lĕch đơ̆ng pơlei Betlehem năm truh tơ mir sư khan kơ lu bơngai yuă 'ba thoi âu: Hơpơi kơ Kră Yang oei hơdai iĕm! Lu sư tơl khan. Hơpơi kơ Kră Yang ăn tơdrong pŭn hiôk kơ ih!

Ru 3:9

Sư apinh, bu hah? Inh Rut, đam drŏ-kăn ih, apinh ih tơsu ăn kơ inh khăn, yua kơ ih kơtum jê̆, ih trŏ kơ huai iŏk inh.

I Sam 15:13

Samuel năm tơ'bơ̆p Sôl; Sôl kơkuh kơ sư: Hơpơi kơ Kră Yang ăn pŭn hiôk kơ ih! Inh pơm kiơ̆ boih dôm nơ̆r đơ̆ng Kră Yang tơtă.