Ru 2:20 - Sơ̆p Hlabơar Nơ̆r 'Bok Kei-Dei

²⁰ Naômi tơl mŏ mai sư thoi âu: Apinh Kră Yang ăn pŭn hiôk kơ sư, yua kơ Kră Yang ưh kơ lê̆ ôh pơm 'lơ̆ng kơ lu bơngai lôch păng lu bơngai oei arih. Naômi khan kơ sư dơ̆ng. 'Bok noh jĭ kơtum bơ̆n jê̆, sư noh gơh huai iŏk mŭk tơmam bơ̆n dơ̆ng.

Ru 2:20 Iomraidhean Croise

II Sam 2:5

Đawit wơh bơngai năm ngôi hơpong tơ pơlei Jabes lăm tơring Gileat, na khan: “Hơpơi apinh Kră Yang tuh ăn pŭn hiôk kơ lu iĕm, yua kơ lu iĕm pôm đon hăm Sôl yŏng lu iĕm, na iĕm 'bŭ hơmet sư!

II Sam 9:1

Đawit jet lăm hnam Sôl hăm oei đei bu oei arih ưh? Inh wă tơ'bôh jơhngơ̆m pơm 'lơ̆ng kơ sư yua kơ đơ̆ng Jônathan.

Jop 19:25

Mă-lei inh băt sĭt Tơ'ngla Dŏng Pơklaih inh oei arih, Sư gô iung dơ̆ng lăm năr tôch kơnh wă pơma dŏng inh kơpal teh.

Tơdrông Pơđơk 17:17

Buăl juăt băt 'mêm băl ling-lang. Đei 'nhŏng oh noh lăp wă tơgŭm băl lăm đei tơdrong gleh.

Lêwi 25:25

Tơdah 'nhŏng oh lu iĕm hoh kơ'bah, wă tĕch hai 'biơ̆ teh jang sa sư, na bơngai mă 'nhŏng oh tơ jê̆ bơngai noh athei răt huai iŏk teh noh.

Philip 4:10

Inh hiôk tơpă păng bơnê kơ Kră Yang, inh 'bôh dơ̆ng tơmam iĕm tơgŭm inh. Thoi noh inh băt kơ iĕm wă tơgŭm inh ling-lang tơpă; kơlih kơ iĕm ưh kơ yĕng kơ năm ăn đĕch na kơplah âu đunh 'biơ̆.

Ru 2:21

Rut bơngai drŏ-kăn Môap khan: 'Bok noh sư khan kơ inh, oei hơdai hloi hăm lu đam drŏ-kăn inh dĭng đĭ bơyan yuă 'ba inh!

Ru 3:12

Trŏ boih inh jing kơtum jê̆, mă-lei đei minh 'nu kơtum jê̆ hloh kơ inh.

Ru 4:14

Lu drŏ-kăn khan kơ Naômi trŏ bơnê kơ Kră Yang, Sư ưh kơ đei lê̆ ih ôh; ăn hloi kơ ih đei bơngai trŏ kơ huai iŏk; hơpơi anăn kon hơ'lơ̆p noh đei ư-ang lăm dêh char Isơrael.

Ru 4:4

Na inh roi tơbăt kơ ih, apinh ih răt iŏk bĕ teh noh, 'bơ̆t anăp lu đe ngôi tơ âu păng 'bơ̆t anăp lu kră pơlei inh. Tơdah ih wă ih huai iŏk bĕ. Mă-lei tơdah ưh ih roi kơ inh băt. Yua adrol kơ ih ưh kơ đei bu gơh huai iŏk, đơ̆ng rŏng kơ ih trŏ kơ inh boih gơh. Bơngai noh drơ̆ng: Inh gô huai iŏk.

Ru 4:6

Bơngai mă gơh huai iŏk tơl sư: Mưh lei inh ưh kơ gơh huai iŏk ôh, kơnh hli kơ tơmam inh hiong. Iŏk bĕ kơ ih tơmam mŭk mă trŏ kơ inh huai iŏk ră, yua kơ inh ưh kơ đei huai iŏk?