Ru 2:12 - Sơ̆p Hlabơar Nơ̆r 'Bok Kei-Dei

¹² Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.

Ru 2:12 Iomraidhean Croise

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Horiso 19:11

Đơ̆ng tơdrong noh bơtho ăn kơ đĭch đam Kră Yang hlôh wao; Bu bơwei, sư đei apah tih tơpă.

Horiso 36:7

Ơ Kră Yang, tơdrong 'mêm mơnat gĭt pă băt dang yơ! Kon bơngai năm kơ'nơp ala pơnăr Ih.

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Horiso 61:4

Ăn kơ inh oei lăm hnam khăn Ih ling-lang. Păng kơ'nơp tơ ala pơnăr Ih. Sêla

Horiso 63:7

Yua kơ Ih đei tơgŭm inh boih, Ala yơ̆p pơnăr Ih na inh gô hơri chơt hiôk.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Tơdrông Pơđơk 23:18

Sĭt tơpă ih wă gô đei apah ning-mônh. Păng tơdrong mă ih hơmĕng gô đei huay kơ tôch.

Je 31:16

Kră Yang khan: “'Nĕ pă nhơ̆m dơ̆ng, lê̆ pă lĕch đak măt, yua kơ tơdrong jang iĕm gô đei apah;” Kră Yang khan: “Lu iĕm gô wih brŏk đơ̆ng char lu bơngai ayăt,”

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Mathiơ 6:1

“Iĕm athei kơchăng, 'nĕ pơang tơdrong 'lơ̆ng iĕm pơm kơ đe 'bôh; dah iĕm pơang tơ'bôh kơ đe tơdrong 'lơ̆ng iĕm pơm, lei 'Bă bơ̆n tơ plĕnh ti ưh kơ bơnê kơ iĕm ôh.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.

II Tim 1:18

Inh apinh 'Bok Kei-Dei mơnat kơ Ônêsip lăm năr Sư wă sek tơlang ning-mônh. Ih băt boih Ônêsip tơgŭm inh lơ tơpă kơplah tơ Pơlei Êphêsô sơ̆.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

Ru 2:11

'Bôô tơl thoi âu: Inh đei kơtơ̆ng đe roi dôm tơdrong ih đei pơm 'lơ̆ng kơ mĕ klo ih đơ̆ng rŏng kơ klo ih lôch păng yua kơ kiơ ih đei achăng lê̆ mĕ 'bă ih, dêh char ih rơneh, mă năm oei tơ anih mă ih ưh kơ băt adrol.

Ru 2:13

Rut tơl thoi âu: Ơ yŏng tơ'ngla inh, ih đei jơhngơ̆m mơnat kơ inh păng pơlung inh, ih pơm 'lơ̆ng kơ inh đam ih, mă khan inh ưh kơ trŏ kơ lu đam drŏ-kăn ih.

Ru 4:15

Sư gô jing minh 'nu bơngai pơlung tơiung ih, sư gô wei rong ih lăm năr ih kră, yua kơ sư kon mŏ mai ih bơngai 'mêm kơeng kơ ih, Rut mŏ mai ih gĭt hloh kơ tơpơh 'nu kon drŏ-nglo.

I Sam 24:19

Hăm đei bu tơ'bơ̆p bơngai ayăt hăm bơ̆n mă khan achăng lê̆ sư brŏk hiôk-hian ưh kơ đei kiơ? Hơpơi kơ Kră Yang iŏk tơdrong 'lơ̆ng pơm ăn kơ kon gah tơdrong kon hlôi pơm ăn kơ 'bă năr 'nâu!

I Sam 24:20

Tơpă inh băt kơ kon gô pơm pơtao păng teh đak Isơrael gô kơjăp sot lăm tơpang ti kon.