Ru 2:10 - Sơ̆p Hlabơar Nơ̆r 'Bok Kei-Dei

¹⁰ Rut kŭp kơ̆l drap bon 'bơ̆t anăp sư, khan. Yua kơ kiơ inh mah đei tơdrong mơnat 'bơ̆t anăp ih, dĭng ih mah lăng inh, mă khan inh bơngai tơmoi ră?

Ru 2:10 Iomraidhean Croise

Bl 18:2

Abraham ngơk lăng đei 'bôh pêng 'nu dơ̆ng jê̆ sư. Lăp sư 'bôh, sư kơdâu đơ̆ng 'măng bơsŭn sư tơkan tơ pêng 'nu noh, sư drap bon tơ teh.

II Sam 19:28

Tơpă, lu bơngai lăm adrĕch hnam 'bă inh trŏ kơ pơlôch. Mă-lei pơtao ăn kơ inh gơh song sa hơdai hăm pơtao tơ gơ'bang. Lei na, inh wă đei tơdrong kiơ dơ̆ng gơh pơma hăm pơtao?”

II Sam 7:18

Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

II Sam 9:8

Mêphibôset drap tơ teh kơkuh, na sư pơma khan: “Bơngai đĭch đam ih 'nâu kiơ, mă ih oei tơchĕng 'blŏk 'blăi inh âu thoi minh pôm kŏ lôch?”

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Mathiơ 25:35

Sơ̆ Inh pơngot, iĕm 'me Inh; sơ̆ Inh ol kơ đak, iĕm asong nhă; Inh bơngai tơmoi, iĕm sơng iŏk oei tơ hnam iĕm.

Luka 1:43

Yua kơ kiơ 'Bok Kei-Dei mơnat kơ inh na sư mah athei mĕ Yŏng inh năm ngôi tơ inh?

Luka 1:48

Yua kơ Sư mơnat kơ inh bơngai đam Sư, na đơ̆ng âu tơ anăp ning-mônh đĭ-đăng kơ lu kon bơngai gô khan kơ inh đei pŭn hiôk tơpă.

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Ru 2:11

'Bôô tơl thoi âu: Inh đei kơtơ̆ng đe roi dôm tơdrong ih đei pơm 'lơ̆ng kơ mĕ klo ih đơ̆ng rŏng kơ klo ih lôch păng yua kơ kiơ ih đei achăng lê̆ mĕ 'bă ih, dêh char ih rơneh, mă năm oei tơ anih mă ih ưh kơ băt adrol.

Ru 2:13

Rut tơl thoi âu: Ơ yŏng tơ'ngla inh, ih đei jơhngơ̆m mơnat kơ inh păng pơlung inh, ih pơm 'lơ̆ng kơ inh đam ih, mă khan inh ưh kơ trŏ kơ lu đam drŏ-kăn ih.

Ru 2:19

Tơnei drŏ-kăn sư khan: Năr âu ih chă mok 'ba tơ yơ? Ih jang tơ yơ? Pŭn hiôk kơ 'bok bu mă tơgŭm ih. Đơ̆ng noh sư roi kơ tơnei sư băt sư jang kơ bơngai bu. Sư khan: Tơ'ngla mă inh jang năr âu hei anăn sư 'Bôô.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.

Ru 2:9

Lăng bĕ lu sư yuă tơ mir ayơ na ih kiơ̆ đơ̆ng rŏng lu sư tơ noh. Inh kư̆m đei pơkă kơ lu tơdăm yuă 'ba kư̆m 'nĕ kơ bơhle ih. Tơdah ih 'maih nhă, năm nhă bĕ tơ get đak lu tơdăm đei sŏ.

I Sam 25:23

Abigail 'bôh Đawit, jur hloi đơ̆ng aseh iĕ hăt hot, na drap tơ teh 'bơ̆t anăp Đawit.