Ru 1:17 - Sơ̆p Hlabơar Nơ̆r 'Bok Kei-Dei

¹⁷ ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

Ru 1:17 Iomraidhean Croise

II Sam 15:21

Itai tơl: “Đei Kră Yang arih ling-lang lăng tông păng 'bơ̆t anăp pơtao yŏng inh, oei arih na inh pơkă: Mă pơtao yŏng inh oei tơ yơ, inh kư̆m oei tơ noh, mă lôch mă arih.”

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

II Sam 3:9

Apinh Kră Yang phak Apner mă trăp, tơdah inh ưh kơ kiơ̆ Đawit pơkeh dôm tơdrong Kră Yang đei pơkă hăm sư.

I Pot 13:31

Đang kơ 'bŭ bơngai 'noh, na sư khan kơ lu kon drŏ-nglo sư: Layơ 'bă lôch lu iĕm athei 'bŭ 'bă lăm bơsat mă bơ̆n 'bŭ akâu bơngai mă Kră Yang 'Bok Kei-Dei yua, 'măn kơting inh 'bơ̆t cheng kơting bơngai 'noh.

I Pot 19:2

Na yă Jêsebel athei đe năm khan kơ Êli: “Năr dơning lăm jơ 'nâu, tơdah inh ưh kơ pơrăm tơdrong arih ih, thoi ih pơrăm tơdrong arih minh 'nu lăm lu sư, lei apinh lu yang phak inh mă trăp.”

I Pot 2:23

Pơtao Sôlômôn yua hăm anăn Kră Yang pơkăm khan: “Apinh Kră Yang 'Bok Kei-Dei pơm kơ inh phak inh mă trăp thoi Sư wă, tơdah Adonija ưh kơ lôch ôh yua kơ tơdrong sư apinh 'nâu.

I Pot 20:10

Ben Hadat wơh bơngai nai dơ̆ng tơ'bơ̆p Ahap khan: “Apinh lu yang phak inh mă trăp tơdah 'mui teh tơ Samari tôm mah kơ rim tơpang ti lu linh lăm minh 'nu minh chup.”

II Pot 6:31

Pơtao ôr rơ̆n pơma pơkă khan: “Dah inh ưh kơ kăt ako Êlisê kon drŏ-nglo Saphat lei apinh Kră Yang 'Bok Kei-Dei sek tơlang, phak inh mă trăp hloh.”

Horiso 45:10

Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

Ru 4:15

Sư gô jing minh 'nu bơngai pơlung tơiung ih, sư gô wei rong ih lăm năr ih kră, yua kơ sư kon mŏ mai ih bơngai 'mêm kơeng kơ ih, Rut mŏ mai ih gĭt hloh kơ tơpơh 'nu kon drŏ-nglo.

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!

I Sam 20:13

Tơdah 'bă inh khŏm pơm wă pơrăm ih, inh gô roi ăn kơ ih băt, athei ih năm mă hiôk-hian, dah ưh, apinh Kră Yang phak inh mă trăp! Hơpơi apinh Kră Yang oei hơdai ih, kư̆m thoi Sư oei hơdai boih hăm 'bă inh.

I Sam 25:22

Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 3:17

Hêli jet: Kră Yang đei pơma bơtho tơdrong kiơ hăm ih? Ih 'nĕ ôn kơ inh ôh. Tơdah ih ôn lăm dôm nơ̆r mă Kră Yang đei pơma dơnuh bơtho hăm ih, apinh Kră Yang 'Bok Kei-Dei phak ih mă trăp.