Ru 1:16 - Sơ̆p Hlabơar Nơ̆r 'Bok Kei-Dei

¹⁶ Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

Ru 1:16 Iomraidhean Croise

II Sam 15:21

Itai tơl: “Đei Kră Yang arih ling-lang lăng tông păng 'bơ̆t anăp pơtao yŏng inh, oei arih na inh pơkă: Mă pơtao yŏng inh oei tơ yơ, inh kư̆m oei tơ noh, mă lôch mă arih.”

Horiso 45:10

Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

Tơdrông Pơđơk 17:17

Buăl juăt băt 'mêm băl ling-lang. Đei 'nhŏng oh noh lăp wă tơgŭm băl lăm đei tơdrong gleh.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Mathiơ 8:19

Lăp lu sư wă yak đei minh 'nu thây bơtho tơdrong juăt đe Juđê apinh Sư: “Ơ 'Bok Thây, mă Ih năm tơ yơ yơ, inh wă kiơ̆ Ih ngăl.”

Yo 13:37

Pêtrôs jet Sư: “Kơlih kơ kiơ inh ưh kơ gơh kiơ̆ Ih dang ei? Inh chu lôch kiơ̆ Ih.”

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

I Tes 1:9

Đe kơtơ̆ng thoi noh, đe kư̆m roi kơ nhôn mơ̆n tơdrong iĕm sơng iŏk nhôn păng tơdrong iĕm ưh pă wă kơkuh kơ lu rup yang dơ̆ng, na iĕm lui hloi kơ Kră Yang 'Bok Kei-Dei. 'Bok Kei-Dei Sư Yang tơpă, Sư arih ling-lang.

Jôsuê 24:18

Kră Yang đei pơpuh tơweh boih 'bơ̆t anăp lu nhôn lu adrĕch adrung, kon pơlei Amôrit mă oei lăm char 'nâu lu nhôn wă chu yom kơ Kră Yang, yua kơ Sư boih Kră Yang 'Bok Kei-Dei lu nhôn.”

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

Ru 1:15

Naômi khan dơ̆ng kơ Rut thoi âu: Ih lăng bĕ, oh ih sư brŏk tơ pơlei păng yang sư kơdih, ih brŏk thoi mŏ ih bĕ.

Ru 1:17

ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

Ru 2:6

Bơngai mă yuă 'ba tơl sư khan: Bơngai adruh noh sư bơngai Môap, mă wih kiơ̆ Naômi tơ âu.

Ru 4:15

Sư gô jing minh 'nu bơngai pơlung tơiung ih, sư gô wei rong ih lăm năr ih kră, yua kơ sư kon mŏ mai ih bơngai 'mêm kơeng kơ ih, Rut mŏ mai ih gĭt hloh kơ tơpơh 'nu kon drŏ-nglo.