Ru 1:14 - Sơ̆p Hlabơar Nơ̆r 'Bok Kei-Dei

¹⁴ Na lu sư nhơ̆m dơ̆ng, đơ̆ng noh Orpa chŭm tơnei sư na tơklah; mă-lei Rut sư kiơ̆ tơnei sư Naômi.

Ru 1:14 Iomraidhean Croise

Bl 31:28

Na 'nâu ih tă tơ pơm kơtul dêh thoi noh, pă ăn inh chă chŭm hơ-on lu sâu drŏ-nglo drŏ-kăn mih.

Bl 31:55

La'ban iung đơ̆ng hrôih, chŭm lu kon drŏ-kăn, lu sâu sư păng sơkat khan thŭ đei pŭn hiôk kơ iĕm, đơ̆ng noh sư wih brŏk tơ hnam sư dơ̆ng.

II Sam 19:39

Na đĭ-đăng linh păng kon pơlei tŏk găn kơ đak Krong Jôrđăn, pơtao kư̆m tŏk, pơtao chŭm Barsilai păng tơklah băl. Barsilai wih tơ pơlei sư kơdih.

I Pot 19:20

Êlisê achăng lê̆ rơmo choh sư 'noh kơdâu kiơ̆ Êli, păng khan: “Apinh ih ăn kơ inh brŏk tơ'bơ̆p chŭm mĕ 'bă inh 'mơ̆i, đơ̆ng noh inh gô kiơ̆ ih hloi.” Êli tơl: “Năm brŏk đơ̆ng noh hơlơ̆k tơ âu dơ̆ng, inh đei ưh kơ đei pơm kiơ kơ ih ôh.”

Tơdrông Pơđơk 17:17

Buăl juăt băt 'mêm băl ling-lang. Đei 'nhŏng oh noh lăp wă tơgŭm băl lăm đei tơdrong gleh.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Mathiơ 19:22

Lăp bơngai tơdăm ei kơtơ̆ng thoi noh sư sơ'ngon dêh yua kơ sư mơdrŏng tơpă. Đơ̆ng noh na sư brŏk hloi.

Jang 17:34

Mă-lei kư̆m đei lu mơ'nah lui kơ Yêsu. Lăm lu sư lui ei đei Đenis. Sư bơngai kră pơlei khŭl sek tơlang tơ kông Arêpa ei păng yă Đamar. Păng lu bơngai nai dơ̆ng kư̆m lui.

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Both 4:4

Bơngai bu oei kiơ̆ Kră Yang 'Bok Kei-Dei lu iĕm kơjăp, oei arih ngăl truh năr âu.

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

Ru 1:13

na măr iĕm wă kĕ gŏk gô truh bre sư 'lŏ tơ̆l? Măr iĕm wă ưh kơ chă klo nai hloi hă? Ưh ôh, ơ bre mŏ adruh, tơdrong chhŭr nuih ơh sơ'ngon inh hloh kơ măr iĕm, yua kơ Kră Yang yơ̆r ti Sư pơrăm inh.

Ru 1:15

Naômi khan dơ̆ng kơ Rut thoi âu: Ih lăng bĕ, oh ih sư brŏk tơ pơlei păng yang sư kơdih, ih brŏk thoi mŏ ih bĕ.

Ru 1:7

Thoi noh na sư achăng lê̆ pơlei mă sư oei noh na wih brŏk tơ dêh char Juđê hăm bre mŏ mai sư.

Ru 2:11

'Bôô tơl thoi âu: Inh đei kơtơ̆ng đe roi dôm tơdrong ih đei pơm 'lơ̆ng kơ mĕ klo ih đơ̆ng rŏng kơ klo ih lôch păng yua kơ kiơ ih đei achăng lê̆ mĕ 'bă ih, dêh char ih rơneh, mă năm oei tơ anih mă ih ưh kơ băt adrol.