Rom 9:22 - Sơ̆p Hlabơar Nơ̆r 'Bok Kei-Dei

²² Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

Rom 9:22 Iomraidhean Croise

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Nhom 3:22

Noh jơ̆ tơdrong mơnat đơ̆ng Kră Yang. Na lu bơ̆n oei arih, tơdrong 'mêm Sư ưh kơ đei layơ tôch;

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Rom 1:18

'Bok Kei-Dei oei tơ plĕnh ti, Sư 'bôh tôm tơdrong kon bơngai pơm yoch pơm kơnê̆ tơpă, na Sư ơh wă phak kon bơngai. Kon bơngai lăp đon kơ pơm tơdrong kơnê̆, thoi noh na lu sư nŏng kơ pơgăn lê̆ lu bôl sư wă kiơ̆ tơdrong 'Bok Kei-Dei.

Rom 9:17

Tơdrong noh thoi lăm sơ̆p hla bơar 'Bok Kei-Dei pơma kơ 'bok Pharôn pơtao đe Êyiptơ sơ̆ thoi âu: “Inh ăn kơ ih pơm pơtao arăng kơ̆l tôm tơdrong ưh kơ chu kơ Inh. Na mơsêh mơyang Inh blah ih, wă kơ kon bơngai ư-ang Inh jơ̆p kơ teh đak.”

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”

Rom 9:21

Hăm trŏ kơ bơngai man gŏ ge gô mơ̆ng kơ sư wă man? Sư kư̆ kơ iŏk teh lơ̆n man khŭl gŏ ge 'lơ̆ng kư̆m đei, man gŏ ge kư̆ kă wă kơ gơh mong sa đĕch kư̆m đei.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

I Tes 5:9

'Bok Kei-Dei rơih iŏk bơ̆n ưh kơ sĭ Sư wă phak ôh, Sư rơih iŏk bơ̆n Sư wă pơklaih bơ̆n đơ̆ng tơdrong yoch. Kơlih kơ tơdrong 'noh na Sư ăn Kon Sư Yêsu Krist lôch tang bơ̆n boih.

II Tim 2:20

Pơtih gia lăm hnam bơngai mơdrŏng tih đei tôm khŭl pơnhan chhĕr, mơ'nah đe pơm păng maih, mơ'nah pơm păng hu, mơ'nah păng 'long, mơ'nah păng teh. Mơ'nah đe yua chhŏ sa rim năr, mơ'nah đe yua 'bơ̆t sŏng sa tih đĕch.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.