Rom 9:11 - Sơ̆p Hlabơar Nơ̆r 'Bok Kei-Dei

^11-12 Kơplah yă Rê'bêka tam mă tơpŭ kơ bre noh sơ̆, 'Bok Kei-Dei khan lê̆ kơ yă bơ̆n noh sơ̆ thoi âu: “Ning-mônh ih gô tơpŭ 'bar 'nu kon drŏ-nglo kơmar. 'Nhŏng sư gô pơm iĕ kơ oh sư.” 'Bok Kei-Dei khan thoi noh, ưh kơ sĭ yua kơ bre 'nhŏng oh pơm 'lơ̆ng pơm kơnê̆ ôh. Kơplah noh bre ei, mĕ bre sư ưh tam mă tơpŭ ôh. 'Bok Kei-Dei pơkă lê̆ hơdrol pơrơ̆ng wă rơih iŏk oh sư pơm tih kơ 'nhŏng sư.

Rom 9:11 Iomraidhean Croise

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Êsai 14:24

Kră Yang Tih Hloh pơma pơkăm khan: “Tơpă tơdrong Inh pơkă lê̆ bơih sĭt sư gô đei truh, tơdrong Inh tơchĕng lê̆ bơih sư gô jing.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Je 51:29

Teh đak pơpơ̆ pơpol, yua kơ Kră Yang wă pơm. Pơm kơ dêh char Babilôn jing char glă, Ưh pă đei bơngai oei.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Êphêsô 2:9

Yua kơ thoi noh na bơ̆n 'nĕ kơ pơang kơ đe khan bơ̆n kĕ kiơ̆ tôm tơdrong juăt na bơ̆n klaih.

Êphêsô 3:11

Dôm tơdrong Sư wă tơgŭm bơ̆n Sư tơchĕng đơ̆ng blŭng-a sơ̆ boih, na dang ei 'blep kơ Kon Sư Kră Yang bơ̆n Yêsu Krist jur tơgŭm lu bơ̆n thoi noh tơpă.

I Tes 1:4

Ơ 'nhŏng oh, 'Bok Kei-Dei 'mêm mơnat kơ iĕm tơpă. Nhôn băt kơ Sư rơih iŏk iĕm boih wă kơ lu iĕm jing kon Sư.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”