Rom 8:7 - Sơ̆p Hlabơar Nơ̆r 'Bok Kei-Dei

⁷ Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Rom 8:7 Iomraidhean Croise

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Jop 15:13

Liơ ih mah pơ̆n hil plơ̆ Kră Yang 'Bok Kei-Dei, păng 'bơ̆r ih mah lĕch nơ̆r thoi noh pơma blah sư?

Horiso 53:1

Lu bơngai kơtul kơwao khan: “Lăm jơhngơ̆m sư, ưh kơ đei Kră Yang 'Bok Kei-Dei.” Lu sư răm-'băm, pơm kơnê̆ krưp. Ưh kơ đei bu pơm 'lơ̆ng.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Je 13:23

Bơngai Êthiôpi hăm gơh tơplih ming akar găm lu sư, djrang hăm gơh tơplih sŏk brông lu sư, lu iĕm kư̆m lei-lăi juăt kơ pơm yoch boih. Liơ iĕm gơh pơm 'lơ̆ng?

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Mathiơ 5:19

Thoi noh na dah bu tŭk minh apăk dah minh nơ̆r tơdrong juăt iĕ ioch păng sư bơtho đe wă kơ đe tŭk mơ̆n, bơngai 'noh 'Bok Kei-Dei jô̆ sư bơngai iĕ hloh kơ đĭ-đăng lăm lu bơngai lui. Mă-lei dah bu kiơ̆ trŏ kơ tơdrong juăt păng sư bơtho đe wă kơ đe pơm kiơ̆ mă trŏ mơ̆n, bơngai 'noh gơh pơm tih lăm lu bơngai lui.

Yo 7:7

Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Rom 3:31

Thoi noh boih, mă-lei bơ̆n hăm wă hŭt lê̆ tơdrong juăt 'Bok Kei-Dei pơkă sơ̆? Ưh ôh, bơ̆n kư̆m oei kiơ̆ mơ̆n, bơ̆n lui kơ Yêsu 'mơ̆i na bơ̆n kĕ kiơ̆ tơdrong juăt Sư pơkă noh.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Rom 8:4

'Bok Kei-Dei pơm thoi noh, Sư wă kơ bơ̆n huay kơ gơnang kơ akâu bơ̆n kơdih, athei gơnang kơ Yang Bơhngol 'Lơ̆ng đĕch, na bơ̆n kĕ pơm kiơ̆ dôm tơdrong 'Bok Kei-Dei pơkă.

I Kor 2:14

Lu bơngai kiơ̆ kơ sĕch akar wă khan lu ưh kơ lui, lu sư ưh kơ iŏk ôh dôm tơdrong đơ̆ng Yang Bơhngol 'Lơ̆ng 'Bok Kei-Dei, yua kơ lu sư ưh kơ đei Yang Bơhngol 'Lơ̆ng bơtho. Na lu sư ưh kơ hlôh, lu sư lăng dôm tơdrong 'noh nhen lĕ tơdrong kơtul đĕch.

I Kor 9:21

Inh kư̆m đei năm chă bơtho lu bơngai mă ưh kơ kiơ̆ tơdrong juăt Môis, inh kư̆m pơm thoi lu sư mơ̆n wă kơ gơh pơlung lu sư lui kiơ̆ Yêsu Krist, mă-lei inh kư̆m ưh kơ hŭt lê̆ dôm tơdrong 'Bok Kei-Dei pơkă ôh, inh oei kiơ̆ khŏm khŏm đĕch yua kơ tơdrong noh đơ̆ng Yêsu Krist pơkă ăn kơ bơ̆n boih.

Kôlôsê 1:21

Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.

II Tim 3:4

Năr ei kơnh đei lơ bơngai plơ̆ plĕch kơ đe. Sư bơngai kư̆ kă. Sư 'maih pơhuơ̆ akâu wă chă ngôi đĕch, sư ưh kơ băt 'mêm kơ 'Bok Kei-Dei.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.