Rom 8:6 - Sơ̆p Hlabơar Nơ̆r 'Bok Kei-Dei

⁶ Bơngai bu gơnang kơ akâu sư kơdih, bơngai noh mưh sư lôch năm tơ anih 'Bok Kei-Dei phak. Bơngai bu gơnang kơ Yang Bơhngol 'Lơ̆ng, sư gô arih hiôk-hian ling-lang.

Rom 8:6 Iomraidhean Croise

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 17:5

Na dang ei ơ 'Bă, atŏk inh brŏk oei păng Ih mă hiôk hơiă bĕ 'Bă, kư̆m thoi Inh oei hơdai hăm Ih mă hơdrol kơ Ih pơjing plĕnh teh sơ̆ hiôk hơiă tơpă.

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Rom 7:11

Inh ngêh kơ tơdrong juăt 'Bok Kei-Dei pơkă noh sơ̆ wă ăn kơ inh arih hiôk, na 'nâu khan rai tơbăt kơ inh bơngai yoch trŏ kơ wă lôch răm. 'Noh yua kơ tơdrong kơnê̆ oei lăm jơhngơ̆m inh pơm kơ inh yoch.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

Rom 8:13

Dah bơ̆n oei gơnang kơ akâu bơ̆n kơdih, bơ̆n gô pŭ tơdrong phak. Dah bơ̆n gơnang kơ Yang Bơhngol 'Lơ̆ng wă hŭt lê̆ tơdrong bơ̆n kơdih lei ning-mônh bơ̆n gô arih ling-lang.

Rom 8:27

'Bok Kei-Dei Sư băt lăm jơhngơ̆m klơm klak bơ̆n tơchĕng thoi yơ, Sư băt kơ Yang Bơhngol 'Lơ̆ng tơgŭm bơ̆n krao khan thoi noh, yua kơ Yang Bơhngol 'Lơ̆ng tơgŭm lu bơngai lui krao khan kiơ̆ thoi 'Bok Kei-Dei wă.

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Galati 6:8

Thoi noh boih, dah bơ̆n chu kiơ̆ kơ jơhngơ̆m đon bơ̆n kơdih wă pơm tơdrong kơnê̆, lei bơ̆n gô răm. Dah bơ̆n wă chu kơ Yang Bơhngol 'Lơ̆ng đĕch lei Yang Bơhngol 'Lơ̆ng gô ăn kơ bơ̆n arih ling-lang hăm 'Bok Kei-Dei.