Rom 8:4 - Sơ̆p Hlabơar Nơ̆r 'Bok Kei-Dei

⁴ 'Bok Kei-Dei pơm thoi noh, Sư wă kơ bơ̆n huay kơ gơnang kơ akâu bơ̆n kơdih, athei gơnang kơ Yang Bơhngol 'Lơ̆ng đĕch, na bơ̆n kĕ pơm kiơ̆ dôm tơdrong 'Bok Kei-Dei pơkă.

Rom 8:4 Iomraidhean Croise

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Rom 2:26

Lu bơngai nai ưh kơ kăt tơdra akar, mă-lei dah lu sư kiơ̆ tơdrong juăt 'Bok Kei-Dei tơpă, 'Bok Kei-Dei lăng lu sư kư̆m dang lu sư kăt tơdra akar mơ̆n.

Rom 3:31

Thoi noh boih, mă-lei bơ̆n hăm wă hŭt lê̆ tơdrong juăt 'Bok Kei-Dei pơkă sơ̆? Ưh ôh, bơ̆n kư̆m oei kiơ̆ mơ̆n, bơ̆n lui kơ Yêsu 'mơ̆i na bơ̆n kĕ kiơ̆ tơdrong juăt Sư pơkă noh.

II Kor 10:2

Inh khan lê̆ kơ iĕm hơdrol, mưh inh truh tơ iĕm kơnh pơgê, iĕm chu kơ inh, na inh huay kơ pơma kơtang kơ iĕm. Lu bơngai mă jô̆ kơ inh khan inh thoi lĕ bơngai ưh kơ lui oei tơ ala teh âu, noh lê̆ kơ nhôn pơma dih băl lu sư khan inh bơngai lêl.

II Kor 10:3

Mă khan nhôn oei tơ ala teh âu ưh kơ sĭ nhôn tơblah thoi lu bơngai tơ ala teh âu ôh.

Galati 5:16

Na inh wă khan kơ iĕm thoi âu: Iĕm athei apinh kơdih Yang Bơhngol 'Lơ̆ng mơ̆t pơgơ̆r iĕm ling-lang. Tơdah iĕm pơm thoi noh jơhngơ̆m đon iĕm huay kơ tơchĕng pơm tơdrong kơnê̆ ôh.

Kôlôsê 1:22

Mă dang ei đei Yêsu Krist ăn akâu Sư kơdih lôch tang bơ̆n na iĕm jing hiôk hơiă hăm 'Bok Kei-Dei boih. Sư pơm thoi noh Sư dang pơjao lu iĕm kơ 'Bok Kei-Dei khan iĕm bơngai 'lơ̆ng tơpăt ưh pă đei tơdrong yoch boih.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

Tơdrông Tơ'bôh 14:5

'Bok Kei-Dei 'bôh lu sư ling-lang pơma 'lơ̆ng ưh kơ đei pơma hơlĕnh hơya tŏ sĕt, yua kơ lu sư jing bơngai rơgoh 'lơ̆ng boih.