Rom 8:35 - Sơ̆p Hlabơar Nơ̆r 'Bok Kei-Dei

³⁵ Mă bơ̆n tơ'bơ̆p tơdrong kiơ kiơ, Yêsu Krist Sư wei-lăng bơ̆n, mă bơ̆n đei tơdrong truh pơmat, mă đe areh kơ bơ̆n, mă bơ̆n pơngot rơwĕt, mă bơ̆n bơngai dơnuh, mă bơ̆n đei tơdrong hli, mă đe năm blah bơ̆n, Yêsu Krist ưh kơ lê̆ bơ̆n ôh, Sư 'mêm kơ bơ̆n tơpă.

Rom 8:35 Iomraidhean Croise

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Hơri Hiôk 3:4

Lăp inh weh ataih đơ̆ng lu sư, Blư 'bôh hloi bơngai mă inh hơyuh. Inh thar rôp kuăr hloi, ưh pă achăng sư bơih, Chông ba sư dĭng truh tơ hnam mĕ inh. Mơ̆t lăm anih bơngai mă anăp kơ inh.

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Yo 10:28

Inh ăn kơ triu Inh arih ling-lang, sư ưh kơ layơ lôch răm ôh. Ưh kơ đei bu kĕ tơgar iŏk sư đơ̆ng ti Inh.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Rom 2:9

Mă bơngai Juđê, mă bơngai nai, dah ưh kơ chu yom kơ nơ̆r 'Bok Kei-Dei, oei wă pơm kơnê̆ ling-lang, lu bơngai thoi noh 'Bok Kei-Dei wă phak lu sư pơmat-tat tơpă ning-mônh.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

Rom 8:39

Mă 'bok kiơ tơ kơpal plĕnh, dah tơ ala teh âu, mă hăm tơdrong kiơ kiơ wă pơrơ̆ng tơgar iŏk bơ̆n đơ̆ng tơdrong 'Bok Kei-Dei 'mêm, lu noh ưh kơ kĕ 'mơ̆i.

I Kor 4:11

Đơ̆ng sơ̆ khơ̆ dang ei, nhôn rơwĕt kơ por, ol kơ đak, iak kơ ao hiah dônh hrŭk hrăi; đe tơhmăi nhôn jĭ kơ lu sư tôn tơbeh teh tơlơ̆, wă ling-lang răm-'băm anih hnam hoh-hoy, hrăn yak rim anih.

I Kor 4:12

Nhôn jang sa păng ti kơdih. Đe oei hiĕk achơ̆ kơ nhôn, nhôn kư̆m krao khan kơ 'Bok Kei-Dei tơgŭm lu sư mơ̆n; đei mơ'nah pơm kơnê̆, nhôn mơ̆ng đĕch;

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

II Kor 4:8

Đĭ dôm tơdrong đe wă kơtĭt pơglơ̆k nhôn, mă-lei nhôn pơm huay huăi kơ glơ̆k; đĭ sơleng kơ đon boih, mă-lei nhôn khŏm adrin adrăi.

II Kor 4:9

Đe pơm kơnê̆ pơmat nhôn, mă-lei 'Bok Kei-Dei ưh kơ lê̆ nhôn; đe teh tơpơ̆k nhôn, nhôn kư̆m huay kơ răm.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.