Rom 8:26 - Sơ̆p Hlabơar Nơ̆r 'Bok Kei-Dei

²⁶ Bơ̆n kơdih ưh kơ gơh, mă-lei đei Yang Bơhngol 'Lơ̆ng tơgŭm bơ̆n. Bơ̆n ưh kơ băt wă krao khan kơ 'Bok Kei-Dei thoi yơ, mă-lei Yang Bơhngol 'Lơ̆ng Sư tơgŭm bơ̆n gơh krao khan hăm đĭ jơhngơ̆m.

Rom 8:26 Iomraidhean Croise

Jop 37:19

Apinh ih bơtho lu nhôn băt tơdrong wă pơma hăm Kră Yang; Lu nhôn oei măng mu ưh kơ hlôh, wă roi pơdah tơdrong 'nâu liơ.

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 102:20

Wă kơtơ̆ng nơ̆r đơ̆ng lu bơnă ôr krao. Păng dŏng pơklaih bơngai mă đe wă pơlôch;

Horiso 102:5

Yua kơ tơdrong inh tơtok tơtăm sĕch inh đĭ klep kơ kơting.

Horiso 6:3

Ơ Kră Yang! Bơhngol inh hli tơtăm dêh. Bĭ Ih, ơ Kră Yang! Wă gô dang yơ?

Horiso 6:9

Kră Yang mơ̆ng boih nơ̆r inh krao apinh; Ih iŏk boih tơdrong inh krao khan.

Horiso 69:3

Inh ôr đĭ lap, hơlŏng inh đĭ kro; Măt inh đĭ rơgah yua kơ chang gô Kră Yang 'Bok Kei-Dei.

Nhom 3:56

Ih kơtơ̆ng boih nơ̆r inh, 'nĕ kơ chĭt đon Ih kơ nơ̆r inh krao apinh Ih.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 10:20

Yua kơ đei Yang Bơhngol 'Lơ̆ng đơ̆ng 'Bă bơ̆n tơgŭm kơplah lăm iĕm pơma, ưh kơ sĭ kơ iĕm gơh pơma kơdih ôh.

Mathiơ 20:22

Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Yo 14:16

na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

Rom 7:24

Na inh âu boih bơngai ưh kơ yua tơpă, tơdrong kơnê̆ 'bĕnh kơ akâu ling-lang, na inh wă lôch đĕch boih. Dang ei bu gơh dŏng inh âu?

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

II Kor 5:2

Nhôn oei đei akâu so, hmăng kơ dah plôh lê̆, 'maih jah đei akâu 'nao tơ plĕnh ti. Akâu 'nao thoi lĕ kơ bơ̆n hrŭk tơplih hơbĕn ao 'nao.

II Kor 5:4

Nhôn hăt kơ jah đei akâu 'nao, yua kơ akâu so ưh kơ hiôk ôh pơmat-tat ling-lang; mă nhôn kư̆m ưh kơ sĭ kuă kơ akâu bơ̆n ôh, mă nhôn wă kơ jah đei akâu 'nao hrŭk pơđom hloi. 'Noh na nhôn đei akâu 'nao ling-lang hloi.

Galati 4:6

Bơ̆n băt boih bơ̆n jing kon Sư tơpă, yua kơ Sư wơh Yang Bơhngol 'Lơ̆ng đơ̆ng Kon Sư jur oei păng bơ̆n, Sư bơtho bơ̆n krao kơ 'Bok Kei-Dei Aba, 'Bă.

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 5:2

Lu sư băt mơnat kơ lu bơngai mă kơhlôh kơwao, lu bơngai yoch, yua kơ lu sư kư̆m hơdai tơrăn lei-lăi thoi lu bôl buăl.

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.