Rom 8:24 - Sơ̆p Hlabơar Nơ̆r 'Bok Kei-Dei

²⁴ Thoi noh bơ̆n chang gô wă kơ jing kon Sư gơh tơplih jing akâu 'nao ning-mônh. Mă-lei dah tơdrong bơ̆n mă 'bôh boih păng băt boih bơ̆n ưh kơ kăl kơ chang gô ôh.

Rom 8:24 Iomraidhean Croise

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 33:22

Ơ Kră Yang, ăn tơdrong 'mêm mơnat ih jruh tơ lu nhôn, yua kơ lu nhôn chang hơmĕng lăm Ih.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Je 17:7

Pŭn hiôk dêh kơ bơngai bu mă lui gơnang kơ Kră Yang, Păng hơmĕng hơđơ̆ng kơ Kră Yang.

Sa 9:12

Ơ lu bơngai bơnă mă đei tơdrong gơnang chang gô, brŏk bĕ tơ anih kơjăp, lăm năr âu boih inh khan gô pơm 'mong ăn kơ ih hloh 'bar wơ̆t dơ̆ng.

Rom 12:12

Bơ̆n băt kơ ning-mônh 'Bok Kei-Dei wă ăn kơ bơ̆n oei hiôk jơnap tơpă, na dang ei bơ̆n kư̆m pơm hiôk thoi ning-mônh. Mă bơ̆n đei tơdrong gleh pơmat, mă đe hil areh kơ bơ̆n, bơ̆n kư̆ adrin jang khŏm khŏm đĕch, mă-lei 'nĕ hiơt tơdrong krao khan kơ 'Bok Kei-Dei.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

Rom 4:18

'Bok Kei-Dei pơkă wă ăn kơ sư pơm 'bă kơ đĭ-đăng teh đak păng khan kơ sư, kon sâu sư ning-mônh lơ thoi lĕ sơnglŏng tơ plĕnh. Kơplah noh sơ̆ Abraham sư đei minh-hrĕng sơnăm boih, mă-lei sư ưh tam mă đei kon ôh. Sư kră pă kĕ boih, akâu sư dang lĕ kơ lôch. Gah akăn sư yă Sara kư̆m kră mơ̆n păng sư akâu pôm tăm, thoi yơ 'Bok Kei-Dei pơkă kơ sư khan pơm 'bă kơ đĭ-đăng teh đak? Tơdrong noh, tơ̆ng bơ̆n, ưh kơ gan wă lui ôh. Mă-lei sư lui kơ nơ̆r 'Bok Kei-Dei pơkă kơ sư noh, sư ưh kơ hiơt ôh dôm tơdrong 'Bok Kei-Dei pơkă.

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

Rom 8:20

Sơ̆ 'Bok Kei-Dei lăng dôm tơmam Sư pơjing, Sư lăp đon dêh. Mă-lei dang ei Sư ăn kơ dôm lu tơmam Sư pơjing noh pơmat-tat yua kơ kon bơngai pơm yoch, ưh kơ sĭ yua kơ tơmam noh pơm yoch ôh. Dang ei Sư oei ăn kơ lu tơmam Sư pơjing noh pơmat-tat, ning-mônh Sư ăn hiôk 'lơ̆ng tơpă.

I Kor 13:13

Đei pêng tơdrong bơ̆n athei wei ling-lang, ưh kơ đei layơ tôch: Bơ̆n athei lui kơjăp, chang hơmĕng dôm tơdrong 'Bok Kei-Dei wă ăn kơ bơ̆n, athei băt 'mêm kơ 'Bok Kei-Dei hăm bôl buăl bơ̆n; mă-lei athei băt 'mêm kơ 'Bok Kei-Dei hăm bôl buăl bơ̆n kăl hloh.

II Kor 4:18

Tơdrong kiơ mă bơ̆n gơh 'bôh, nhôn ưh kơ tơchĕng ôh; nhôn tơchĕng kơ tơdrong mă bơ̆n ưh kơ gơh 'bôh, yua kơ dôm tơdrong măt bơ̆n gơh 'bôh sư hiong tôch, ưh kơ gơh oei ling-lang ôh. Pôm tơdrong măt bơ̆n ưh kơ gơh 'bôh đĕch, gơh oei ling-lang ưh kơ layơ tôch.

II Kor 5:7

Nhôn kiơ̆ Sư kơplah oei tơ ala teh âu, nhôn kiơ̆ hăm tơdrong lui đĕch, wă kơ juăt hăm Sư, ưh kơ sĭ nhôn kiơ̆ yua kơ măt nhôn 'bôh Sư boih ôh.

Galati 5:5

Mă-lei gah bơ̆n, bơ̆n băt Kră Yang 'Bok Kei-Dei jô̆ bơ̆n bơngai 'lơ̆ng tơpăt hăm Sư năr tôch ning-mônh yua kơ Yang Bơhngol 'Lơ̆ng ăn kơ bơ̆n lui păng gơnang kơ Kon Sư Yêsu Krist.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

Tit 3:7

'Bok Kei-Dei 'mêm mơnat kơ bơ̆n tơpă na Sư pơklaih bơ̆n đơ̆ng tơdrong yoch păng Sư jô̆ bơ̆n bơngai 'lơ̆ng păng Sư boih. Sư ăn kơ bơ̆n jing kon Sư, na bơ̆n arih ling-lang păng Sư ning-mônh.

Hêbrơ 11:1

Bơngai đon lui, sư băt tơpă kơ sư gô đei. Tơdrong sư ưh kơ gơh 'bôh sư kư̆m băt kơ đei mơ̆n.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.